ଆମାଜନ ପ୍ରାଇମରେ ରିଲିଜ୍ ହେଲା ‘ପୋନିୟିନ ସେଲଭାନ-୧’
କନ୍ନଡ ଫିଲ୍ମ ‘କାନ୍ତାରା’ ପରେ ଦକ୍ଷିଣ ଭାରତୀୟ ଫିଲ୍ମ ‘ପୋନିୟିନ ସେଲଭାନ-୧’ ବକ୍ସ ଅଫିସରେ ଧମାଲ କରୁଛି । ଚଳଚ୍ଚିତ୍ରରେ ଐଶ୍ୱର୍ଯ୍ୟା ରାୟଙ୍କ ଅଭିନୟ ବହୁତ ପସନ୍ଦ କରିଛନ୍ତି। ବର୍ତ୍ତମାନ ପ୍ରଶଂସକଙ୍କ ପାଇଁ ଏକ ଭଲ ଖବର ଆସିଛି। ଏହି ଐତିହାସିକ ପିରିୟଡିକ୍ ଡ୍ରାମା ଚଳଚ୍ଚିତ୍ର ପୋନିୟିନ୍ ସେଲଭାନ୍ OTT ରେ ମୁକ୍ତିଲାଭ କରିଛି। ପୋନିୟିନ୍ ସେଲଭାନ୍ -୧ ସେପ୍ଟେମ୍ବର ୩୦ରେ ସିନେମା ଘରେ ରିଲିଜ୍ ହୋଇଥିଲା । ଫିଲ୍ମ ରିଲିଜ ହେବାର ମାସକ ପରେ ହିଁ OTT ରେ ରିଲିଜ ହୋଇଛି।
ସୂଚନା ଯେ, ଚୋଳ ସାମ୍ରାଜ୍ୟର କାହାଣୀ ଉପରେ ଆଧାରିତ ଏହି ଫିଲ୍ମ ଆମାଜନ ପ୍ରାଇମ ଭିଡିଓରେ ରିଲିଜ୍ ହୋଇଛି। ଏହି ଚଳଚ୍ଚିତ୍ର ତାମିଲ, ତେଲୁଗୁ, ମାଲାୟାଲମ୍ ଏବଂ କନ୍ନଡରେ ଆସିଛି। କିନ୍ତୁ ଫିଲ୍ମ ଦେଖିବା ପାଇଁ ଆପଣଙ୍କୁ ୧୯୯ ଟଙ୍କା ଦେବାକୁ ପଡିବ। କାରଣ ଏହି ଫିଲ୍ମ ଆମାଜନ ପ୍ରାଇମ ରେଣ୍ଟାଲରେ ମୁକ୍ତିଲାଭ କରିଛି। ହେଲେ ୪ ନଭେମ୍ବରରେ ସମସ୍ତ ପ୍ରାଇମ ୟୁଜର୍ସ ଏହାକୁ ଦେଖି ପାରିବେ ।
Powered by Froala Editor
