ଉଦ୍ଧବଙ୍କ ଦଳଙ୍କୁ ମିଳିଲା ‘ମଶାଲ’ ଚିହ୍ନ
![ଉଦ୍ଧବଙ୍କ ଦଳଙ୍କୁ ମିଳିଲା ‘ମଶାଲ’ ଚିହ୍ନ](https://odishanewslens.com/news_gallery/16815_1665434536.jpg)
ମହାରାଷ୍ଟ୍ରରେ ନିର୍ବାଚନୀ ଚିହ୍ନକୁ ନେଇ କନ୍ଦଳ ହେଉଥିବା ବେଳେ ଅନ୍ଧେରୀ ଇଷ୍ଟ୍ ଆସନରେ ବିଧାନସଭା ଉପ-ନିର୍ବାଚନ ପାଇଁ ଉଦ୍ଧବଙ୍କ ଶିବସେନା ଦଳକୁ ମଶାଲ ଚିହ୍ନ ଦେଇଛନ୍ତି ନିର୍ବାଚନ ଆୟୋଗ । ଅନ୍ଧେରୀ ଇଷ୍ଟ୍ ଆସନ ପାଇଁ ଆସନ୍ତା ମାସ ୩ ତାରିଖରେ ହେବାକୁ ଥିବା ଉପନିର୍ବାଚନରେ ଶିବସେନାର ଦୁଇଗୋଷ୍ଠୀ ଉଦ୍ଧବ ଏବଂ ସିନ୍ଦେ ଦଳର ଧନୁତୀର ଚିହ୍ନ କିମ୍ବା ଦଳର ନାମକୁ ବ୍ୟବହାର କରିପାରିବେ ନାହିଁ ବୋଲି ନିର୍ବାଚନ କମିସନ ନିର୍ଦ୍ଦେଶ ଦେଇଥିବା ବେଳେ ରବିବାର ଦିନ ଉଦ୍ଧବ ଗୋଷ୍ଠୀ ନୂଆ ଚିହ୍ନ ନେଇ ନିର୍ବାଚନ କମିସନ (ଇସି)କୁ ପ୍ରସ୍ତାବ ଦେଇଥିଲେ। ଉଦ୍ଧବଙ୍କ ଗୋଷ୍ଠୀ ତ୍ରିଶୂଳ, ଉଦିତ ସୂର୍ଯ୍ୟ କିମ୍ବା ମଶାଲକୁ ଚିହ୍ନ ଭାବେ ବ୍ୟବହାର କରିବାକୁ ଚାହୁଥିବା ନେଇ ନିର୍ବାଚନ କମିସନଙ୍କୁ ଜଣାଇଥିଲେ। ଆଜି ୩ଟି ଚିହ୍ନ ମଧ୍ୟରୁ ନିର୍ବାଚନ କମିସନ ଉଦ୍ଧବଙ୍କ ଦଳକୁ ମଶାଲ ଚିହ୍ନକୁ ବିଧାନସଭା ଉପ-ନିର୍ବାଚନରେ ବ୍ୟବହାର କରିବାକୁ କହିଛନ୍ତି।
ସେହିପରି ତାଙ୍କ ଦଳର ନାଁରେ ଶିବସେନା ଉଦ୍ଧବ ବାଲାସାହେବ ଠାକରେ କରାଯାଇଛି। ଅନ୍ୟପଟେ ଏକନାଥ ସିନ୍ଦେଙ୍କୁ ନିର୍ବାଚନ ଆୟୋଗ ୩ଟି ବିକଳ୍ପ ମାଗିଛନ୍ତି। ସେହି ଆଧାରରେ ତାଙ୍କୁ ମଧ୍ୟ କୌଣସି ଏକ ଚିହ୍ନ ଦିଆଯିବ।
ଶୁଣିବାକୁ ମିଳିଛି ଯେ ଏକନାଥ ସିନ୍ଦେଙ୍କୁ ବାଲାସାହେବଚି ଶିବସେନ(Balasahebchi Shiv Sena) ନାଁ ଦିଆଯାଇଛି। ଯାହାର ଅର୍ଥ ହେଲା ବାଲାସାହେବଙ୍କର ଶିବସେନା। ତେବେ ଏକନାଥଙ୍କୁ ଏପର୍ଯ୍ୟନ୍ତ ନିର୍ବାଚନୀ ଚିହ୍ନ ଦିଆଯାଇ ନଥିବା କୁହାଯାଉଛି। ନିର୍ବାଚନ ଚିହ୍ନକୁ ନେଇ ମାମଲା ହାଇକୋର୍ଟରେ ପହଞ୍ଚିଥିବା ବେଳେ ନିର୍ବାଚନ ଆୟୋଗ ଦଳର ନାଁ ଓ ଚିହ୍ନର ଭାଗ କରିଛନ୍ତି।
ସେହିପରି ତାଙ୍କ ଦଳର ନାଁରେ ଶିବସେନା ଉଦ୍ଧବ ବାଲାସାହେବ ଠାକରେ କରାଯାଇଛି। ଅନ୍ୟପଟେ ଏକନାଥ ସିନ୍ଦେଙ୍କୁ ନିର୍ବାଚନ ଆୟୋଗ ୩ଟି ବିକଳ୍ପ ମାଗିଛନ୍ତି। ସେହି ଆଧାରରେ ତାଙ୍କୁ ମଧ୍ୟ କୌଣସି ଏକ ଚିହ୍ନ ଦିଆଯିବ।
ଶୁଣିବାକୁ ମିଳିଛି ଯେ ଏକନାଥ ସିନ୍ଦେଙ୍କୁ ବାଲାସାହେବଚି ଶିବସେନ(Balasahebchi Shiv Sena) ନାଁ ଦିଆଯାଇଛି। ଯାହାର ଅର୍ଥ ହେଲା ବାଲାସାହେବଙ୍କର ଶିବସେନା। ତେବେ ଏକନାଥଙ୍କୁ ଏପର୍ଯ୍ୟନ୍ତ ନିର୍ବାଚନୀ ଚିହ୍ନ ଦିଆଯାଇ ନଥିବା କୁହାଯାଉଛି। ନିର୍ବାଚନ ଚିହ୍ନକୁ ନେଇ ମାମଲା ହାଇକୋର୍ଟରେ ପହଞ୍ଚିଥିବା ବେଳେ ନିର୍ବାଚନ ଆୟୋଗ ଦଳର ନାଁ ଓ ଚିହ୍ନର ଭାଗ କରିଛନ୍ତି।
Powered by Froala Editor