ଆଜି ଏହି ଜିଲ୍ଲାରେ ବସ୍ ଚଳାଚଳ ବନ୍ଦ
ଭଦ୍ରକ: ଆଜି ଭଦ୍ରକ ଜିଲ୍ଲାରେ ବସ୍ ଚଳାଚଳ ବନ୍ଦ ରହିଛି। ଭଦ୍ରକ ବସ୍ ସିଣ୍ଡିକେଟର ଡାକରାରେ ବସ୍ ଚଳାଚଳ ବନ୍ଦ ରହିଛି। ମଝି ରାସ୍ତାରେ ବସ୍କୁ ଅଟକାଇ ବଟି ଆଦାୟ କରିବା, ଯାତ୍ରୀଙ୍କୁ ଓହ୍ଲାଇ ଦେବା ଓ ଡ୍ରାଇଭର, କଣ୍ଡକ୍ଟରଙ୍କୁ ଦୁର୍ବ୍ୟବହାର କରିବା ଅଭିଯୋଗରେ ସିଣ୍ଡିକେଟ ପକ୍ଷରୁ ଏହି ବନ୍ଦ କରାଯାଇଛି। ଏନେଇ ବାରମ୍ବାର ଅଭିଯୋଗ ପରେ ବି ପୁଲିସ ପଦକ୍ଷେପ ନ ନେବାରୁ ଭଦ୍ରକ ବସ୍ ସିଣ୍ଡିକେଟ ପକ୍ଷରୁ ଆଜି ବସ୍ ଚଳାଚଳ ବନ୍ଦ ରଖାଯାଇଛି।
ଗନ୍ତବ୍ୟ ସ୍ଥଳକୁ ଯାଇ ନପାରି ବସ୍ଷ୍ଟାଣ୍ଡରେ ଯାତ୍ରୀମାନେ ହନ୍ତସନ୍ତ ହେଉଛନ୍ତି। ପାର୍ବଣ ପାଇଁ ଅନ୍ୟ ଜିଲ୍ଲାରୁ ବାଲେଶ୍ୱର ଦେଇ ଯାଉଥିବା ବସ୍ ସ୍ୱାଭାବିକ ଭାବେ ଚଳାଚଳ କରୁଛି । ଟାଉନ ଥାନା ପୁଲିସ ପହଞ୍ଚି ଭଦ୍ରକ ବସ୍ ସିଣ୍ଡିକେଟ ସହ ଆଲୋଚନା କରୁଛି।
Powered by Froala Editor
