ମୋହାଲି ଏକ ଘରୋଇ ବିଶ୍ୱବିଦ୍ୟାଳୟର ବାଳିକା ହଷ୍ଟେଲର ୬୦ ଜଣ ଛାତ୍ରୀଙ୍କ ଏମଏମଏସ୍ ଭିଡିଓ ଭାଇରାଲ ହୋଇଛି । ଏହାକୁ ନେଇ ଶନିବାର ବିଳମ୍ବିତ ରାତିରେ ଏହି ଉତ୍ତେଜନା ଦେଖା ଦେଇଥିଲା। ଛାତ୍ରୀମାନେ ବିରୋଧ କରିବା ସହ ଅଭିଯୋଗ କରିଛନ୍ତି କି ଜଣେ ଝିଅ ସ୍ନାନ କରିବା ସମୟରେ ଅନେକ ଝିଅମାନଙ୍କର ଭିଡିଓ କରି ଭାଇରାଲ କରିଛି। ପୋଲିସ ଏହି ମାମଲାରେ ମାମଲା ରୁଜୁ କରି ଅଭିଯୁକ୍ତ ଛାତ୍ରୀଙ୍କୁ ଗିରଫ କରିଛି।

ଏହା ମଧ୍ୟ ସାମ୍ନାକୁ ଆସିଛି ଯେ ଅଭିଯୁକ୍ତ ଛାତ୍ରୀ ଜଣଙ୍କ ସବୁଦିନ ଅନ୍ୟ ଛାତ୍ରୀଙ୍କ ଗାଧୋଉଥିବା ଭିଡିଓ ସୁଟ୍‌ କରି ଶିମଲାରେ ରହୁଥିବା ଜଣେ ଯୁବକ ସାଙ୍ଗକୁ ପଠାଉଥିଲା। ସେଠାରେ ଭିଡିଓ କାହିଁକି ପଠାଗଲା ତାହା ଜାଣିବାକୁ ଚେଷ୍ଟା ଜାରି ରଖିଛୁ ବୋଲି ମୋହାଲିର ଏସଏସପି ବିବେକ ସୋନି କହିଛନ୍ତି ।

ଅନ୍ୟପକ୍ଷରେ ସ୍ପଷ୍ଟୀକରଣ ରଖିଛନ୍ତି ବିଶ୍ୱବିଦ୍ୟାଳୟ କର୍ତ୍ତୃପକ୍ଷ। ଏନେଇ ବିଶ୍ୱବିଦ୍ୟାଳୟ ପକ୍ଷରୁ ଏକ କୈଫତ ଜାରି କରାଯାଇଛି। ସେଥିରେ ଉଲ୍ଲେଖ ଅଛି ଯେ, ହଷ୍ଟେଲରେ କୌଣସି ଆପତ୍ତିଜନକ ଭିଡିଓ ତିଆରି କରାଯାଇ ନାହିଁ। କେବଳ ଜଣେ ଯୁବତୀ ତାଙ୍କର ବ୍ୟକ୍ତିଗତ ଭିଡିଓ ତିଆରି କରି ତାଙ୍କ ପୁରୁଷ ବନ୍ଧୁଙ୍କ ନିକଟକୁ ପଠାଇଛନ୍ତି। ସମ୍ପୃକ୍ତ ଯୁବତୀଙ୍କୁ ଗିରଫ କରାଯାଇଛି। ତାଙ୍କ ମୋବାଇଲ ଫୋନ୍‌ ଏବଂ ଅନ୍ୟ ମେଟେରିଆଲକୁ ଜବତ କରି ପୁଲିସକୁ ହସ୍ତାନ୍ତର କରାଯାଇଛି। ପୁଲିସ ଏହାର ତଦନ୍ତ କରୁଛି।

Powered by Froala Editor