ପ୍ରଥମ ଥର ପାଇଁ ଚିନୁକ୍ ହେଲିକପ୍ଟର ଉଡ଼ାଇବାକୁ ଦୁଇଜଣ ମହିଳା ପାଇଲଟଙ୍କୁ ନିୟୋଜିତ କରାଯିବ । ଗଣମାଧ୍ୟମ ରିପୋର୍ଟ ଅନୁଯାୟୀ, ସ୍କ୍ୱାଡନ ଲିଡର ପାରୁଲ ଭରଦ୍ୱାଜ ଏବଂ ସ୍ଵାତି ରାଠୋର ଋଷ ଦ୍ୱାରା ନିର୍ମିତ ଏମଆଇ ୧୭ଭି୫ ହେଲିକପ୍ଟର ଉଡାଉଥିବାବେଳେ ବର୍ତ୍ତମାନ ସେମାନଙ୍କୁ ଚଣ୍ଡିଗଡ଼ ଏବଂ ଆସାମର ମୋହନବାରୀରେ ଥିବା ଚିନୁକ୍ ୟୁନିଟକୁ ବଦଳି କରାଯାଇଛି । ପ୍ରଥମ ଥର ପାଇଁ ବାୟୁସେନା ଦୁଇ ମହିଳା ଯୁଦ୍ଧ ବିମାନ ପାଇଲଟଙ୍କୁ ଚିନୁକ ହେଲିକପ୍ଟର ଉଡ଼ାଇବାକୁ ସୁଯୋଗ ଦେଇଛି ।

ବାୟୁସେନା ପାଖରେ ବର୍ତ୍ତମାନ ୧୫ଟି ଚିନୁକ୍ ହେଲିକପ୍ଟର ଥିବାବେଳେ ଏହି ବିମାନଟି ସ୍ୱତନ୍ତ୍ର । ଏହା ଯୁଦ୍ଧକ୍ଷେତ୍ରକୁ ଯୁଦ୍ଧାସ୍ତ୍ର ପରିବହନ ଏବଂ ସୈନ୍ୟଙ୍କୁ ନେବା ପାଇଁ ବ୍ୟବହୃତ ହୁଏ । ବାୟୁସେନା ଅଧିକାରୀଙ୍କ କହିବା ମୁତାବକ ଚିନୁକ୍ ହେଲିକପ୍ଟର ଚଳାଇବା ଅନ୍ୟ ହେଲିକପ୍ଟର ଉଡାଇବା ଠାରୁ ସମ୍ପୂର୍ଣ୍ଣ ଭିନ୍ନ। ଏହାକୁ ଅନ୍ୟ ହେଲିକପ୍ଟର ପରି ନିୟନ୍ତ୍ରଣ କରାଯାଇପାରିବ ନାହିଁ । ଏହାର ନିୟନ୍ତ୍ରଣ ସମ୍ପୂର୍ଣ୍ଣ ଅଲଗା ହୋଇଥାଏ । ଏହି ଚିନୁକ୍ ୟୁନିଟ୍ ଗୁଡିକ ଲାଇନ୍ ଅଫ୍ ଆକ୍ଟୁଆଲ୍ କଣ୍ଟ୍ରୋଲ୍ (LAC) ରେ ଭାରତୀୟ ସୈନ୍ୟମାନଙ୍କୁ ସହାୟତା ଯୋଗାଇବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଛନ୍ତି ।

ସୂଚନା ଥାଉ କି ଆମେରିକାରୁ ଚିନୁକ୍ ହେଲିକପ୍ଟର ମିଳିଥିବାବେଳେ ୨୦୧୯ରେ ପ୍ରଥମ ଥର ପାଇଁ ଏହା ଭାରତୀୟ ବାୟୁସେନାରେ ସାମିଲ କରାଯାଇଥିଲା ।

Powered by Froala Editor