କୀର୍ତ୍ତନରେ ଯୋଗ ଦେବାକୁ ଯାଉଥିଲେ, ନଦୀରେ ଖସି ପଡ଼ିଲା ବସ୍
କିଛି ଯାତ୍ରୀଙ୍କୁ ନେଇ ଏକ ବସ୍ ରାଞ୍ଚି ଅଭିମୁଖେ ଯାଉଥିବା ବେଳେ ଝାଡଖଣ୍ଡର ହଜରିବାଗ ଜିଲ୍ଲାର ଟାଟିଝରିଆ ପୁଲିସ ଷ୍ଟେସନ ଅଧୀନରେ ଥିବା ସେବାନେ ନଦୀ ଉପରେ ଥିବା ବ୍ରିଜରୁ ଖସିପଡିଥିଲା। ଏହି ଦୁର୍ଘଟଣାରେ ୭ଜଣ ଯାତ୍ରୀଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। ଏଥିସହ ୪୦ ରୁ ଅଧିକ ଲୋକ ଆହତ ହୋଇଥିବା ସ୍ଥାନୀୟ ପ୍ରଶାସନ ପକ୍ଷରୁ କୁହାଯାଇଛି।
ଯାତ୍ରୀମାନେ ଗୁରୁଦ୍ୱାରରେ ଆୟୋଜିତ ହେବାକୁ ଥିବା ଆରଦାସ କୀର୍ତ୍ତନରେ ଯୋଗଦେବାକୁ ଯାଉଥିଲେ। ବସଟି ବ୍ରିଜଠାରୁ ପ୍ରାୟ ୨୦ଫୁଟ ତଳକୁ ଖସିଯିବା ମାତ୍ରେ ଭାଙ୍ଗିରୁଜି ଯାଇଥିଲା। ଆଖପାଖର ଲୋକମାନେ ଘଟଣାସ୍ଥଳକୁ ଆସି ଉଦ୍ଧାର କାର୍ଯ୍ୟ କରିଥିଲେ। ମୃତାହତଙ୍କ ସଂଖ୍ୟା ବଢ଼ିବାର ଆଶଙ୍କା ଥିବା ପୋଲିସ ପକ୍ଷରୁ କୁହାଯାଇଛି। କୁହାଯାଉଛି ଯେ ଦୁଇଜଣ ଯାତ୍ରୀ ବସରେ ରହିଛନ୍ତି। ସେମାନଙ୍କୁ ଉଦ୍ଧାର ପାଇଁ ଉଦ୍ୟମ ଜାରି ରହିଛି।
Powered by Froala Editor
