ନିଜକୁ ଗୁଳି ମାରିଲେ ୨୨ ବର୍ଷୀୟ ବାୟୁସେନା ଯବାନ
ନିଜ ସର୍ଭିସ ରାଇଫଲରୁ ଗୁଳି କରି ଆତ୍ମହତ୍ୟା କରିଛନ୍ତି ୨୨ ବର୍ଷୀୟ ବାୟୁ ସେନା ଯବାନ। ଗୁରୁବାର ଭୋରୁ ୪ଟାରେ ଏହି ଘଟଣା ଘଟିଛି। ଆତ୍ମହତ୍ୟା କରିଥିବା ଯବାନ ଜଣକ ହେଉଛନ୍ତି ନିରବ ଚୌହାନ୍। ଯବାନ ଜଣକ ଚେନ୍ନାଇର ଆଭାଡି ବାୟୁ ସେନା ବେସ୍ରେ ଚାକିରି କରିଥିଲେ। ତେବେ ତାଙ୍କ ଆତ୍ମହତ୍ୟାର କରାଣ ଜଣାପଡ଼ି ନାହିଁ।
ଗତ ଅଗଷ୍ଟ ୨୧ରେ ତାଲିମ ସରିବା ପରେ ନିରବ ଆଭାଡି ବାୟୁସେନା ବେସ୍ରେ ନିଯୁକ୍ତ ହୋଇଥିଲେ। ବୁଧବାର ନିରବ ଉକ୍ତ ବିମାନ ବେସ୍ର ଗେଟ୍ରେ ଗାର୍ଡ଼ ଡ୍ୟୁଟି ଦାଇତ୍ୱରେ ଥିଲେ। ତେବେ ରାତି ୪ଟାରେ ସେ ନିଜ ସର୍ଭିସ ବନ୍ଧୁକରେ ଆତ୍ମହତ୍ୟା କରିଥିଲେ। ବାୟୁସେନାର ତାଙ୍କ ସହଯୋଗୀମାନେ ତାଙ୍କୁ ମେଡିକାଲ ନେଇଥିଲେ। ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ମୁଥିଲାପେଟ ପୁଲିସ ଏହି ଘଟଣାର ତଦନ୍ତ ଆରମ୍ଭ କରିଛି।
Powered by Froala Editor
