ରାସ୍ତା ମରାମତି ପାଇଁ ଏମିତି ପ୍ରତିବାଦ କେଉଁଠି ଦେଖିନଥିବେ...
ରାସ୍ତା ମରାମତି ପାଇଁ ସବୁଦିନ କେଉଁଠି ନା କେଉଁଠି ଦାବି ହେଉଛି । କିଏ ରାସ୍ତାରେ ଧାନ ଗଛ ରୋଉଛି ତ କିଏ ରାସ୍ତା ଅବରୋଧ କରୁଛି । ହେଲେ ଜଣେ ସାମାଜିକ କର୍ମୀ ଖାଲଖମା ରାସ୍ତାରେ ଗଡିଗଡି ଅଭିନବ ପ୍ରତିବାଦ କରିଛନ୍ତି । କର୍ଣ୍ଣାଟକାର ଉଡୁପିରେ ଏପରି ଘଟଣା ଘଟିଛି। ନିତ୍ୟାନନ୍ଦ ଓଲାକାଡୁ ନାମକ ଜଣେ ସାମାଜିକ କର୍ମୀ ବୁଧବାର ଉଡୁପି ରାସ୍ତାରେ ଗଡ଼ି ଗଡ଼ି ରାସ୍ତା ମରାମତି କରିବାକୁ ଦାବି କରିଛନ୍ତି।
ସାଧାରଣତଃ କୌଣସି ମାନସିକ ପୂରଣ ପାଇଁ ଭଗବାନଙ୍କ ପାଖରେ ଶ୍ରଦ୍ଧାଳୁମାନେ ଏପରି ଗଡ଼ିଗଡ଼ି ଯିବାର ନଜିର ରହିଛି। କିନ୍ତୁ ପ୍ରଥମଥର ପାଇଁ ନିତ୍ୟାନନ୍ଦ ରାସ୍ତାରେ ଥିବା ଖାଲଖମାର ମରାମତି ପାଇଁ ଉରୁଲୁ ସେବେ କରିଛନ୍ତି। ଏହାର ଦୃଶ୍ୟ କ୍ୟାମେରାରେ କଏଦ ହୋଇଛି।
ନିତ୍ୟାନନ୍ଦ କହିଛନ୍ତି, ଉଡୁପି-ମନିପାଲ ଜାତୀୟ ରାଜପଥର ଅବସ୍ଥା ଅତ୍ୟନ୍ତ ଶୋଚନୀୟ। ୩ ବର୍ଷ ତଳେ ରାସ୍ତା କାମ ପାଇଁ ଟେଣ୍ଡର ଦିଆଯାଇ ଥିଲେ ମଧ୍ୟ କୌଣସି ସୁଫଳ ମିଳୁନାହିଁ। ବିପର୍ଯ୍ୟସ୍ତ ରାସ୍ତା ଯୋଗୁ ଲୋକମାନେ ଅନେକ ପ୍ରକାରର ଅସୁବିଧାର ସମ୍ମୁଖୀନ ହେଉଛନ୍ତି। ତେଣୁ ବାଧ୍ୟ ହୋଇ ଏପରି କରିବାକୁ ପଡୁଛି ବୋଲି ସେ କହିଛନ୍ତି ।
Powered by Froala Editor
