ବିବାହ ଉତ୍ସବରେ ଲୋକେ ଖୁସି ହୁଅନ୍ତି । ବନ୍ଧୁବାନ୍ଧବ, ପରଜନ ମାନଙ୍କ ମଧ୍ୟରେ ବରକନ୍ୟା ଉତ୍ସବ ମନାନ୍ତି । ହେଲେ ଏମିତି କଥା କେବେ ଶୁଣିନଥିଲେ । ଯେଉଁଠି ବିବାହ ବିଚ୍ଛେଦରେ ଊତ୍ସବ କରାଯାଉଛି । କିନ୍ତୁ ଏକଥା ସତ । ମଧ୍ୟପ୍ରଦେଶ ରାଜଧାନୀ ଭୋପାଲରେ ଅନୁଷ୍ଠିତ ହେବାକୁ ଯାଉଛି ଏଭଳି ଏକ କାର୍ଯ୍ୟକ୍ରମ ।

ଭୋପାଳରେ ‘ଭାଇ ୱେଲଫେୟାର ସୋସାଇଟି’ ସେପ୍ଟେମ୍ବର ୧୮ ତାରିଖ ଦିନ ବିବାହ ବିଚ୍ଛେଦ ସମାରୋହର ଆୟୋଜନ କରିବାକୁ ଯାଉଛି। ଯାହା ଠିକ ଏକ ବିବାହ ଉତ୍ସବ ଭଳି ହେବ। ଏଥିରେ ଏକ ବିବାହର ସମସ୍ତ ରିତି ରିବାଜର ପାଳନ ମଧ୍ୟ ହେବ। ଜୟମାଲା ବିସର୍ଜନ, ସଦବୁଦ୍ଧି ସୁଦ୍ଧିକରଣ ଯଜ୍ଞ, ବରଯାତ୍ରୀ, ବର ସଙ୍ଗୀତ ମାନବ ସମ୍ମାନରେ କାର୍ଯ୍ୟ କରିବା ପାଇଁ ସାତ ପାଦ ଓ ସାତ ପ୍ରତିଜ୍ଞା କରାଯିବ। ଉତ୍ସବରେ ଏଭଳି ଲୋକେ ସାମିଲ ହେବେ ଯେଉଁମାନଙ୍କର ବିବାହ ବିଚ୍ଛେଦ ହୋଇସାରିଛି। ଏଥିଲାଗି ବିବାହ ଉତ୍ସବ ଭଳି ନିମନ୍ତ୍ରଣ କାର୍ଡ ମଧ୍ୟ ଛପା ଯାଇ ଏବେ ବଣ୍ଟା ଚାଲିଛି। ଏହା ଛଡା ମୁଖ୍ୟ ଅତିଥିଙ୍କ ଦ୍ୱାରା ବିବାହ ବିଚ୍ଛେଦ ହୋଇଥିବା ଲୋକଙ୍କୁ ଡିଗ୍ରୀ ପ୍ରଦାନର ବ୍ୟବସ୍ଥା ମଧ୍ୟ ରହିଛି।

ମହିଳାଙ୍କ ଲାଗି ଅନେକ ସଙ୍ଗଠନ ଅଛନ୍ତି। ତେବେ କୌଣସିଠାରେ ପୁରୁଷଙ୍କର ଶୁଣାଣି ହେଉନି। ଡିଭୋର୍ସ ବେଳେ ମଧ୍ୟ ପୁରୁଷକୁ ଅନେକ ଯନ୍ତ୍ରଣା ସହିବାକୁ ପଡୁଛି। ଏହି ସବୁ କଥାକୁ ଧ୍ୟାନରେ ରଖି ଏହା ନିଷ୍ପତ୍ତି ନିଆଯାଇଛି ବୋଲି ଭାଇ ୱେଲଫେୟାର ସୋସାଇଟିର ଅଧ୍ୟକ୍ଷ ଜକି ଅହମଦ କହିଛନ୍ତି।

Powered by Froala Editor