ଆତଙ୍କବାଦୀ ଲିଙ୍କ ସନ୍ଦେହ : ବିହାରରେ ୩୦ ସ୍ଥାନରେ ଏନଆଇଏ ରେଡ୍
ବିହାରରେ ୩୦ରୁ ଅଧିକ ସ୍ଥାନରେ ନ୍ୟାସନାଲ ଇନଭେଷ୍ଟିଗେସନ୍ ଏଜେନ୍ସି (ଏନଆଇଏ) ପକ୍ଷରୁ ରେଡ୍ କରାଯାଇଛି । ବିହାରର ଛପ୍ରା, ବୈଶାଳି, ଅରାରିଆ ଏବଂ ନାଳନ୍ଦାରେ ଏହି ଚଢ଼ଉ କରାଯାଇଛି। ଆଜି ସକାଳ ୬ଟାରୁ ୧୧ ପର୍ଯ୍ୟନ୍ତ ରେଡ୍ କରାଯାଇଥିଲା। ବିବାଦୀୟ ଇସଲାମିକ ସଂଗଠନ ପପୁଲାର ଫ୍ରଣ୍ଟ ଅଫ ଇଣ୍ଡିଆ (ପିଏଫଆଇ) ସହ ଆତଙ୍କବାଦୀ ଲିଙ୍କ ନେଇ ଏନଆଇଏ ପକ୍ଷରୁ ଏହି ରେଡ୍ କରାଯାଇଛି। ଏଥିସହ ରିୟାଜ୍ ଅହମ୍ମଦଙ୍କ ବାସଭବନରେ ରେଡ୍ କରାଯାଇଛି।ରିୟାଜ୍ଙ୍କ ଘରେ ଆତଙ୍କବାଦୀ ନିଯୁକ୍ତି ସମ୍ପର୍କରେ ଅଭିଯୋଗ ଆସିଥିଲା। ସେହିପରି ସାରନ ଜିଲ୍ଲା ଅଧ୍ୟକ୍ଷ ପରେଭେଜ୍ ଆଲମଙ୍କ ଘରେ ମଧ୍ୟ ଯାଞ୍ଚ କରାଯାଇଛି।
ପିଏଫଆଇ ପକ୍ଷରୁ ନିଜ କ୍ୟାଡରମାନଙ୍କୁ କଠୋର ତାଲିମ ଦିଆଯାଉଛି । ଭାରତରେ ଥିବା ମୁସଲିମ ବିରୋଧୀ ସଂଗଠନ ଓ ବ୍ୟକ୍ତିମାନଙ୍କୁ ହିଂସାତ୍ମକ ପଦ୍ଧତିରେ ଦମନ କରିବାକୁ ନିଜ କ୍ୟାଡରମାନଙ୍କୁ ତାଲିମ ଦେଉଛି ପିଏଫଆଇ । ଏଭଳି କିଛି କାର୍ଯ୍ୟକଳାପ ସମ୍ପର୍କରେ ସୁରାଗ ପାଇ ଏନଆଇଏ ରେଡ୍ କରିଛି ।
Powered by Froala Editor
