ଜଣେ ବୃଦ୍ଧ ବଞ୍ଚି ଥାଉ ଥାଉ ତାଙ୍କୁ ମୃତ ଘୋଷଣା କରି ଭତ୍ତା ବନ୍ଦ କରିଦିଆଯାଇଛି । ତେଣୁ ସେ ଆଜି ବିକ୍ଷୋଭ କରିଛନ୍ତି । ହରିଆଣା ରୋହତକରେ ରହୁଥିବା ୧୦୨ ବର୍ଷୀୟ ବୃଦ୍ଧ ଦୁଲି ଚାନ୍ଦ ବୁଧବାର ସର୍ବସମ୍ମୁଖକୁ ଆସି ସରକାରଙ୍କ ବିରୋଧରେ ବିକ୍ଷୋଭ କରିଛନ୍ତି। ଦୁଲି ମିଡିଆ ସାମ୍ନାକୁ ଆସି ବଞ୍ଚିଥିବାର ପ୍ରମାଣ ଦେଇଛନ୍ତି। ଏହାପରେ ସେ ଗୋଟିଏ ରଥରେ ବସି ବିକ୍ଷୋଭ ଶୋଭାଯାତ୍ରା କରିଛନ୍ତି।

ଶ୍ରୀ ଚାନ୍ଦ କହିଛନ୍ତି, “ମୁଁ ଶେଷଥର ପାଇଁ ମୋର ବାର୍ଦ୍ଧକ୍ୟ ଭତ୍ତା ମାର୍ଚ୍ଚ ମାସରେ ପାଇଥିଲି। ଏହାପରେ ସରକାରୀ ରେକର୍ଡରେ ମୋତେ ମୃତ ଦର୍ଶାଯାଇଛି। ମୋ ଭତ୍ତାକୁ ବନ୍ଦ କରି ଦିଆଯାଇଛି। ମୁଁ ବଞ୍ଚିଥିବା ସରକାରଙ୍କୁ ବାରମ୍ବାର ଜଣାଇବାକୁ ଚେଷ୍ଟା କରିଥିଲେ ମଧ୍ୟ କିଛି ଲାଭ ମିଳି ନଥିଲା। ତେଣୁ ମୁଁ ସର୍ବସମ୍ମୁଖକୁ ଆସି ବଞ୍ଚିଥିବାର ପ୍ରମାଣ ଦେଇଛି।”

ସୂଚନା ଯେ, ଚାନ୍ଦଙ୍କ ନାତି ଏନେଇ ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକଷ୍ଠୋରେ ଅଭିଯୋଗ କରିଥିଲେ। କିନ୍ତୁ କୌଣସି ପ୍ରକାରର ଲାଭ ମିଳି ନାହିଁ । ତେଣୁ ସେ ସର୍ବସମ୍ମୁଖକୁ ଆସି ବଞ୍ଚିଥିବାର ପ୍ରମାଣ ଦେଇଛନ୍ତି। ସେ ନିଜର ପରିଚୟ ସମସ୍ତଙ୍କୁ ଜଣାଇବା ପାଇଁ ଆଧାର କାର୍ଡ, ପାନ କାର୍ଡ, ପରିବାର ଆଇଡି ଓ ବ୍ୟାଙ୍କ ଷ୍ଟେଟମେଣ୍ଟ ମିଡିଆ ଆଗରେ ପ୍ରଦର୍ଶିତ କରିଛନ୍ତି।

Powered by Froala Editor