ବାରମ୍ବାର ଅପମାନ ହେଉଥିଲେ, ଏପରି କରନ୍ତୁ ମୁକାବିଲା
![ବାରମ୍ବାର ଅପମାନ ହେଉଥିଲେ, ଏପରି କରନ୍ତୁ ମୁକାବିଲା](https://odishanewslens.com/news_gallery/16044_1662440609.jpg)
କର୍ମକ୍ଷେତ୍ରରେ ହେଉ ବା ଘରେ କି ବାହାରେ ବିଭିନ୍ନ ପ୍ରକାରର ଲୋକ ଆମ ସଂସ୍ପର୍ଶରେ ଆସନ୍ତି । କିଛି ଲୋକ ସର୍ବଦା ଆମ ଭିତରେ କମି ଖୋଜିବାକୁ ଜଗିବସିଥାନ୍ତି । ସେହିପରି ଯଦି କେହି ଆପଣଙ୍କୁ ବାରମ୍ବାର ଅପମାନିତ କରନ୍ତି ତେବେ କ’ଣ କରିବା ଉଚିତ? ଜଣେ ଦୁଷ୍ଟ ବ୍ୟକ୍ତି ନିଜର ଖରାପଗୁଣକୁ ଦେଖି ମଧ୍ୟ ଅଣଦେଖା କରେ । ଅନ୍ୟର ଛୋଟରୁ ଛୋଟ ଭୁଲ ଦେଖି ବ୍ୟସ୍ତ ହୋଇପଡ଼ନ୍ତି । ଅଧିକାଂଶ ଲୋକ ଏଭଳି ଲୋକଙ୍କୁ ଜୀବନରେ ଭେଟିଥାନ୍ତି, ଯିଏ ସମୟ ମିଳିବାମାତ୍ରେ ଅପମାନିତ କରିଥାନ୍ତି । ତେବେ ଏହି ଲୋକମାନଙ୍କ ସହ ମୁକାବିଲା କରିହେବ । କିଭଳି ସେମାନଙ୍କୁ ହ୍ୟାଣ୍ଡେଲ କରିବେ ସେ ବିଷୟରେ ଜାଣନ୍ତୁ :
- ଯଦି କେହି ତୁମକୁ ଖରାପ କହୁଛି ତେବେ ତାକୁ ଜବାବ ଦିଅନାହିଁ । ବରଂ ତାଙ୍କଠାରୁ ନିଜର ଖରାପଗୁଣ ବିଷୟରେ ଭଲଭାବେ ପଚାରି ବୁଝିବା ଉଚିତ । ଯଦି ସେ ତାହା କୁହନ୍ତି ତେବେ ସେହି ଖରାପଗୁଣକୁ ଦୂର କରିବାର ଉପାୟ ବିଷୟରେ ମଧ୍ୟ ପଚାରିବା ଉଚିତ । ସେ ଉପାୟ କହିବାର ଶୈଳୀରୁ ଅନୁମାନ କରନ୍ତୁ ଯେ ସେ ଆପଣଙ୍କୁ ଅପମାନିତ କରୁଥିଲେ କି ପ୍ରକୃତରେ ଉନ୍ନତ କରିବାକୁ ଚାହୁଁଥିଲେ ।
- ରାଗରେ ସାମ୍ନାରେ ଥିବା ବ୍ୟକ୍ତି କିଛି କଥା କହିଦେଲେ । ଯେଉଁଥିରେ ତୁମେ ରାଗିଗଲ ଏବଂ ରାଗରେ ଏଭଳି କିଛି କହିଦେଲ ଯାହାକୁ ନେଇ ତୁମକୁ ପରେ ଅନୁତାପ କରିବାକୁ ପଡ଼ିବ । ଏଣୁ କ୍ରୋଧରେ ଉତ୍ତର ଦିଅ ନାହିଁ, ମନକୁ ଶାନ୍ତ ରଖ ଏବଂ ବୁଦ୍ଧିମାନ ଭାବେ କାମ କରନ୍ତୁ ।
- ଯଦି କେହି ତୁମକୁ ଅପମାନିତ କରିବା ଲାଗି ତୁମ ଭିତରେ ଥିବା ଅଭାବୀପଣ ଏବଂ ଖରାପଗୁଣ ବିଷୟରେ କହି ବୁଲିଥାଏ । ତେବେ ସେହି ବ୍ୟକ୍ତିଙ୍କ ବିଷୟରେ ଭଲ କହି, ତାଙ୍କୁ ଉଚ୍ଚ ଦେଖାଇ ତାଙ୍କୁ ତୁମେ ଅପମାନିତ କରିପାରିବ ।
- କେହି ଅପମାନିତ କରୁଥିବା ବେଳେ ତାଙ୍କ ପରିବାରକୁ କେବେ ଦୁର୍ବବ୍ୟବହାର କରନ୍ତୁ ନାହିଁ । ବରଂ ସେହି ସମୟରେ ରାଗକୁ ଶାନ୍ତ ରଖନ୍ତୁ ଏବଂ ବେଶ ସଂଯମତାର ସହ କାର୍ଯ୍ୟ କରନ୍ତୁ । ବୁଝି ବିଚାରି ପରେ ଭଲ ଭାବେ ଜବାବ ରଖନ୍ତୁ ।
- ଖରାପ କହି ଭଲ କହିବା ଶିଖନ୍ତୁ । ଯେଭଳି ଆପଣ ଅନ୍ୟମାନଙ୍କ ଭୁଲ ବାହାର କରି ତାକୁ ସଜାଡ଼ିବାକୁ ଚେଷ୍ଟା କରନ୍ତି, ସେଭଳି ଯଦି ଆପଣ ନିଜକୁ ଉନ୍ନତ କରିବାର ଚେଷ୍ଟା କରନ୍ତି ତେବେ ସଫଳ ହେବେ ।
Powered by Froala Editor