ଦେଶରେ କରୋନା ନେଲା ୪୧୨୦ ଜୀବନ
ନୂଆଦିଲ୍ଲୀ : ଦେଶରେ ଆଉ ୪୧୨୦ ଜଣଙ୍କର ଜୀବନ ନେଇଛି କରୋନା । ଫଳରେ ଦେଶରେ କରୋନା ଜନିତ ମୃତୁ୍ୟ ସଂଖ୍ୟା ୨ ଲକ୍ଷ ୫୮ ହଜାର ୩୧୭ରେ ପହଁଚିଯାଇଛି । ଅପରପକ୍ଷରେ ଗତ ୨୪ ଘଂଟା ମଧ୍ୟରେ ଦେଶରେ ୩ ଲକ୍ଷ ୬୨ ହଜାର ୭୨୭ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଭାରତରେ ଏଯାବତ ୨ କୋଟି ୩୭ ଲକ୍ଷ ୩ ହଜାର ୬୬୫ କରୋନା ଆକ୍ରାନ୍ତ ଚିହ୍ନଟ ହୋଇସାରିଥିବାବେଳେ ୧ କୋଟି ୯୭ ଲକ୍ଷ ୩୪ ହଜାର ୮୨୩ ଜଣ ସୁସ୍ଥ ହୋଇସାରିଛନ୍ତି ।
ଅପରପକ୍ଷରେ ଦେଶରେ ଟିକାଦାନ ପ୍ରକ୍ରିୟାକୁ ତ୍ୱରାନ୍ୱିତ କରିବା ପାଇଁ କେନ୍ଦ୍ର ଓ ରାଜ୍ୟ ସରକାରମାନେ ମିଳିତ ଉଦ୍ୟମ ଜାରି ରଖିଛନ୍ତି । ସିରମ ଇନଷ୍ଟିଚୁ୍ୟଟ ଓ ଭାରତ ବାୟୋଟେକ ଉପôାଦନ ବୃଦ୍ଧି ପାଇଁ ଯୋଜନା ପ୍ରସ୍ତୁତ କରିଛନ୍ତି । ଅଗଷ୍ଟ ମାସ ସୁଦ୍ଧା ସିରମ ୧୦ କୋଟି ଓ ଭାରତ ବାୟୋଟେକ ୭.୮ କୋଟି ଟିକା ଉପôାଦନ କରିବ ବୋଲି କେନ୍ଦ୍ର ସରକାରଙ୍କୁ ଅବଗତ କରିଛି । ଜୁନ, ଜୁଲାଇ, ଅଗଷ୍ଟ ଓ ସେପ୍ଟେମ୍ବର ମାସ ପାଇଁ ଏହି ଦୁଇ କମ୍ପାନୀ ନିଜର ଉପôାଦନ ଯୋଜନା ସମ୍ପର୍କରେ ସରକାରଙ୍କୁ ତଥ୍ୟ ପ୍ରଦାନ କରିଛନ୍ତି ।
Powered by Froala Editor