ଓଡ଼ିଶା-ଛତିଶଗଡ଼ ଆଲୋଚନା ୪ଟାରେ
ଭୁବନେଶ୍ୱର: ଓଡ଼ିଶା-ଛତିଶଗଡ଼ ମଧ୍ୟରେ ବିବାଦ ଲାଗି ରହିଥିବାବେଳେ ମହାନଦୀରେ ବନ୍ୟା ସ୍ଥିତି ପରେ ଏହି ବିବାଦ ତୀବ୍ର ହେବାରେ ଲାଗିଛି । ତେବେ ଆଜି ଅପରାହ୍ନ ୪ଟାରେ ଓଡ଼ିଶା-ଛତିଶଗଡ଼ ମଧ୍ୟରେ ଆଲୋଚନା ହେବାର କାର୍ଯ୍ୟକ୍ରମ ରହିଛି । ଜଳ ପରିଚାଳନା ନେଇ ଦୁଇ ରାଜ୍ୟ ମଧ୍ୟରେ ଆଲୋଚନା ହେବ । ଦୁଇ ରାଜ୍ୟର ମୁଖ୍ୟ ଶାସନ ସଚିବଙ୍କ ମଧ୍ୟରେ ଭିଡିଓ କନଫରେନ୍ସ ମାଧ୍ୟମରେ ଏହି ଆଲୋଚନା ହେବ ବୋଲି ଜଣାଯାଇଛି ।
ଅନ୍ୟପକ୍ଷରେ ବନ୍ୟା ପାଇଁ ଓଡ଼ିଶାକୁ ଦୋଷ ଦେଲା ଛତିଶଗଡ଼ । ଓଡ଼ିଶା ହୀରାକୁଦ ଡ୍ୟାମରୁ ଆବଶ୍ୟକ ଜଳ ନିଷ୍କାସନ କରୁନଥିବାରୁ ବନ୍ୟାସ୍ଥିତି ଉପୁଜିଥିବା ଅଭିଯୋଗ କଲା ଛତିଶଗଡ଼ । ଛତିଶଗଡ଼ ମୁଖ୍ୟମନ୍ତ୍ରୀଙ୍କ କାର୍ୟ୍ୟାଳୟରୁ ଏନେଇ ଏକ ବୁଲେଟିନ୍ ଜାରି ହୋଇଛି । ଯେଉଁଥିରେ ଏନେଇ ଅଭିଯୋଗ କରାଯାଇଛି । କୁହାଯାଇଛି ହୀରାକୁଦ ଜଳଧାରଣ କ୍ଷମତାରୁ ଛଡ଼ା ଯାଉଛି ମାତ୍ର ଅଧାପାଣି ।
ଏହା ଦ୍ୱାରା ଛତିଶଗଡ଼ରେ ଜାଞ୍ଜଗିରି ଚାମ୍ପା ଓ ରାୟଗଡ଼ରେ ବନ୍ୟାସ୍ଥିତି ସଙ୍ଗୀନ ହେବାରେ ଲାଗିଛି । ଏନେଇ ହୀରାକୁଦ ଡ୍ୟାମର କର୍ତ୍ତୃପକ୍ଷଙ୍କ ସହ ଆଲୋଚନା ହୋଇଥିଲା । ଏହା ପରେ ହୀରାକୁଦରୁ ପାଣି ଛଡ଼ାଯିବା ନେଇ ସହମତି ପ୍ରକାଶ କରିଥିବା ଛତିଶଗଡ଼ ମୁଖ୍ୟମନ୍ତ୍ରୀଙ୍କ କାର୍ୟ୍ୟାଳୟ ପକ୍ଷରୁ ସୂଚନା ଦିଆଯାଇଛି ।
Powered by Froala Editor
