ଦେବପ୍ରୟାଗରେ ବାଦଲଫଟା ବର୍ଷା, କର୍ଫ୍ୟୁ ବଞ୍ଚାଇଦେଲା ଜୀବନ
![ଦେବପ୍ରୟାଗରେ ବାଦଲଫଟା ବର୍ଷା, କର୍ଫ୍ୟୁ ବଞ୍ଚାଇଦେଲା ଜୀବନ](https://odishanewslens.com/news_gallery/1536_1620749795.png)
ଉତ୍ତରାଖଣ୍ଡର ତେହରି ଜିଲ୍ଲାର ଦେବପ୍ରୟାଗ ଟାଉନରେ ବାଦଲଫଟା ବର୍ଷା ହୋଇଛି । ଏହା ଫଳରେ ଅନେକ ଘର ଓ ଦୋକାନ କ୍ଷତିଗ୍ରସ୍ତ ହୋଇଛି । ବାଦଲ ଫାଟିବାରୁ ମୂଷଳଧାରା ବର୍ଷାରେ ଆଇଆଇଟି କୋଠା ଭୂଶୁଡି ପଡିଛି। ସୌଭାଗ୍ୟର କଥା କୋଭିଡ୍ କର୍ଫ୍ୟୁ କାରଣରୁ ଜନଜୀବନ ହାନୀ ଘଟିନାହିଁ। ଆବର୍ଜନା କାରଣରୁ ଭାଗିରଥୀର ଜଳସ୍ତର ବୃଦ୍ଧି ପାଇଛି। ଘଟଣାସ୍ଥଳରେ ଏସଡିଆରଏଫ ( ରାଜ୍ୟ ବିପର୍ୟ଼୍ୟୟ ମୁକାବିଲା ବାହିନୀ)ର ରିଲିଫ ଓ ଉଦ୍ଧାରକାରୀ ଦଳ ପହଞ୍ଚି ଉଦ୍ଧାରକାର୍ଯ଼୍ୟ ଆରମ୍ଭ କରିଛନ୍ତି । ତେବେ ଏହି ଘଟଣାରେ କେହି ମୃତାହତ ହୋଇନଥିବା ଉତ୍ତରାଖଣ୍ଡ ଡିଜିପି ଅଶୋକ କୁମାର କହିଛନ୍ତି ।
ମଙ୍ଗଳବାର ଅପରାହ୍ନ ପ୍ରାୟ ୪ଟାରେ ଦଶରଥ ପାହାଡରେ ବାଦଲ ଫାଟିବାରୁ ମୂଷଳଧାରା ବର୍ଷାରେ ଶାନ୍ତା ନଦୀରେ ଅଚାନକ ଜଳସ୍ତର ବୃଦ୍ଧି ପାଇଥିଲା। ପାଣି ବଢି ଯିବାରୁ ଶାନ୍ତି ବଜାର ଧ୍ଵସ୍ତ ହୋଇ ଯାଇଛି। ଏହା ପୂର୍ବରୁ ମେ ୩ରେ ଉତ୍ତରାଖଣ୍ଡର ଟିହରି, ଉତ୍ତରକାଶୀ ଓ ରୁଦ୍ରପ୍ରୟାଗ ଜିଲ୍ଲାରେ ବାଦଲ ଫଟା ବର୍ଷା ଖବର ସାମ୍ନାକୁ ଆସିଥିଲା।
Powered by Froala Editor