ଭୁବନେଶ୍ୱର: ବହୁ ପ୍ରତୀକ୍ଷିତ ମାଟ୍ରିକ୍ ପରୀକ୍ଷା ଫଳ ପ୍ରକାଶ ପାଇଛି । ଛାତ୍ରଛାତ୍ରୀମାନେ    ବୋର୍ଡ ପକ୍ଷରୁ ଜାରି କରାଯାଇଥିବା ୱେବସାଇଟରେ  ନିଜ ରୋଲ ନମ୍ବର ଆଧାରରେ ପରୀକ୍ଷାଫଳ ଜାଣିପାରିବେ । ଏବର୍ଷ ୯୦.୫୫% ପାସ୍ ହାର ରହିଛି । ଚଳିତ ବର୍ଷ ୫ଲକ୍ଷ ୧୭ହଜାର ୮୪୭ ପିଲା ପାସ୍ କରିଥିବାବେଳେ ୮ହଜାର ୬୯୯ପିଲା ଫେଲ୍ ହୋଇଛନ୍ତି । ପାସ କରିଥିବା ପିଲାଙ୍କ ମଧ୍ୟରେ ପୁଅଙ୍କ ସଂଖ୍ୟା ୨ଲକ୍ଷ ୫୬ହଜାର ୮୭୭ ଅର୍ଥାତ ୮୮.୭୭% ଓ ଝିଅଙ୍କ ସଂଖ୍ୟା ୨ଲକ୍ଷ ୬୦ହଜାର ୯୭୦ ଅର୍ଥାତ ୯୨.୩୭% ରହିଛି ।  

ଛାତ୍ରଛାତ୍ରୀମାନେ    ବୋର୍ଡ ପକ୍ଷରୁ ଜାରି କରାଯାଇଥିବା ୱେବସାଇଟ www.bseodisha.ac.inରେ ରୋଲନମ୍ବର ଆଧାରରେ ରେଜଲ୍ଟ ଜାଣିପାରିବେ  ଏବଂ www.bseodisha.nic.in ରେ ଅପରାହ୍ନ ୨ଟାରୁ ପରୀକ୍ଷା ଫଳ ଉପଲବଧ୍‌ ହେବ  ।  ମୋବାଇଲ୍‌ରେ ମେସେଜ୍‌ ଦ୍ୱାରା ମଧ୍ୟ ଛାତ୍ରଛାତ୍ରୀମାନେ ରେଜଲ୍ଟ ଜାଣିପାରିବେ । ପରୀକ୍ଷାର୍ଥୀମାନେ OR10(Space) Roll Number(Space) ଦେଇ ୫୬୭୬୭୫୦ କୁ ମେସେଜ୍‌ ପଠାଇଲେ ସେମାନଙ୍କ ପରୀକ୍ଷା ଫଳ ପାଇପାରିବେ ।

ଗତ ଦୁଇବର୍ଷ ହେବ କରୋନା ପାଇଁ ଅଫଲାଇନ୍ ମାଟ୍ରିକ୍ ହେଉନଥିଲା । ଚଳିତବର୍ଷ ସମସ୍ତ ପ୍ରକାର କରୋନା ଗାଇଡ୍ଲାଇନ୍ ମାନି ଶ୍ରେଣୀଗୃହରେ ବସି ପିଲାମାନେ ପରୀକ୍ଷା ଦେଇଥିଲେ । ତେଣୁ ପରୀକ୍ଷା ଫଳ ମୂଲ୍ୟାୟନକୁ ନେଇ ଉଭୟ ଛାତ୍ରଛାତ୍ରୀ ଓ ଅଭିଭାବକଙ୍କ ମନରେ ଉକôଣ୍ଠା ରହିଥିଲା । ତେବେ ଆଜି ସବୁ ପ୍ରତୀକ୍ଷାର ଅବସାନ ଘଟିଛି । ମାଟ୍ରିକ୍ ଫଳ ପ୍ରକାଶ ପାଇଛି ।

ସୂଚନା ଅନୁସାରେ ଗତବର୍ଷ ୯୭.୮୯ପ୍ରତିଶତ ପାସ୍ ହାର ରହିଥିଲା । ଚଳିତ ପରୀକ୍ଷା ପଦ୍ଧତି ନୂଆ ରହିଥିଲା । ସମେଟିଭ୍-୧ ଓ ସମେଟିଭ୍-୨ ସହ  ଅସେସମେଣ୍ଟ ପରୀକ୍ଷା କରାଯାଇଥିଲା । ସେହି ପରୀକ୍ଷା ଆଧାରରେ ଚଳିତବର୍ଷ ମାଟ୍ରିକ୍ ପରୀକ୍ଷା ଫଳ ପ୍ରକାଶ ପାଇଛି । ସବୁଠୁ ବଡ କଥା ହେଉଛି ପ୍ରାୟ ୪୦ହଜାର ପରୀକ୍ଷାର୍ଥୀ ଫର୍ମ ଫିଲଅପ୍ କରିଥିଲେ ମଧ୍ୟ ଏଥର ପରୀକ୍ଷା ଦେଇନାହାନ୍ତି ।

Powered by Froala Editor