ଗୋଆରେ ବିଦେଶିନୀଙ୍କୁ ଦୁଷ୍କର୍ମ, ଜଣେ ଗିରଫ
ଗୋଆର ପାଣାଜୀରେ ଜଣେ ବିଦେଶୀ ମହିଳାଙ୍କ ସହ ଦୁଷ୍କର୍ମ ହୋଇଥିବା ଅଭିଯୋଗ ଆସିଛି। ଏହି ମାଲାରେ ପୁଲିସ ଜଣେ ୩୨ ବର୍ଷୀୟ ଜୋଏଲ ୱିନ୍ସେଣ୍ଟ ଡିସୁଜାଙ୍କୁ ଗିରଫ କରିଛି।
ଅଭିଯୋଗ ମୁତାବକ, ପୀଡିତା ନିଜ ସ୍ୱାମୀଙ୍କ ସହ ଗୋଆ ବୁଲିବାକୁ ଆସିଥିଲେ । ଜୁନ୍ ୨ ତାରିଖରେ ବିଦେଶୀ ମହିଳା ସମୁଦ୍ର କୂଳରେ ଶୋଇଥିବା ବେଳେ ଜୋଏଲ ସେଠାରେ ପହଞ୍ଚି ତାଙ୍କ ସହ ଦୁଷ୍କର୍ମ କରିଥିବା ପୀଡିତା କହିଛନ୍ତି। ଏନେଇ ପୀଡିତା ସ୍ୱାମୀଙ୍କ ସହ ମିଶି ପୋଲିସ ନିକଟରେ ଅଭିଯୋଗ କରିଛନ୍ତି। ଏହି ଅଭିଯୋଗରେ ବର୍ତ୍ତମାନ ପୁଲିସ ଜୋଏଲ୍କୁ ଗିରଫ କରି ତଦନ୍ତ ଜାରି ରଖିଛି।
ଏହାପୂର୍ବରୁ ମଧ୍ୟ ଗତ ମେ’ ମାସରେ ଗୋଆ ପୁଲିସ ଅରମ୍ବୋଲରେ ଥିବା ଏକ ରିସର୍ଟରେ ଜଣେ ୧୨ ବର୍ଷୀୟ ରୁଷୀୟ ନାବାଳିକାଙ୍କ ସହ ଦୁଷ୍କର୍ମ କରିବା ଅଭିଯୋଗରେ କର୍ଣ୍ଣାଟକର ଜଣେ ବ୍ୟକ୍ତିଙ୍କୁ ଗିରଫ କରିଥିଲା।
Powered by Froala Editor
