ଭାରତରେ କରୋନା ସ୍ଥିତି ବିଗିଡିଲାଣି । ଆଗକୁ ଆହୁରି ସାଘାଂତିକ ପରିସ୍ଥିତି ହେବ ବୋଲି ବିଶେଷଜ୍ଞମାନେ ଆକଳନ କରିଛନ୍ତି । ଭାରତରେ କରୋନାର ସ୍ଥିତି ବିଶ୍ବ ପାଇଁ ସତର୍କ ଘଣ୍ଟି ବୋଲି ୟୁନାଇଟେଡ୍‌ ନ୍ୟାସନାଲ୍‌ ଚିଲ୍‌ଡ୍ରେନ୍ସ ଫଣ୍ଡ (ୟନିସେଫ୍‌) ମୁଖ୍ୟ ଚେତାବନୀ ଦେଇଛନ୍ତି। ଭାରତରେ ମୃତକଙ୍କ ସଂଖ୍ୟା ବଢ଼ିଚାଲିଥିବା ବେଳେ ଏବେ ବିଶ୍ବ ସମୂହ ଦୃଷ୍ଟି ଦେବା ଦରକାର। ବିଶ୍ବ ଏବେ ଭାରତକୁ ସହଯୋଗ ନକଲେ ପରିସ୍ଥିତି ଯେମତି ହେବାରେ ଲାଗିଛି କରୋନା ଭାଇରସ୍‌ ନୂଆ ନୂଆ ମ୍ୟୁଟାଣ୍ଟ ସୃଷ୍ଟି ହୋଇଚାଲିବ। ଏହା ସହ ସପ୍ଲାଏ ଚେନ୍‌ ମଧ୍ୟ ଦୃଢ଼ ହୋଇ ଚାଲିବ ବୋଲି ସେ କହିଛନ୍ତି। ୟୁନିସେଫ୍‌ର କାର୍ଯ୍ୟକାରୀ ନିର୍ଦେଶକ ହେନରିଟ୍ଟା ଏଚ୍‌ ଫୋର କହିଛନ୍ତି, ଭାରତରେ କରୋନା ସଂକ୍ରମଣ ପୂରା ବିଶ୍ବ ପାଇଁ ସତର୍କ ଘଣ୍ଟି। ଭାରତକୁ କରୋନା ଲଢ଼େଇରେ ସାହାଯ୍ୟ ନକରିବା ପର୍ଯ୍ୟନ୍ତ ପୂରା ବିଶ୍ବ ପାଇଁ ବିପଦ ଲାଗି ରହିବ ବୋଲି ସେ କହିଛନ୍ତି।

ବିଶ୍ବ ସ୍ବାସ୍ଥ୍ୟ ସଂଗଠନ (ହୁ) ଅନୁସାରେ, ଦକ୍ଷିଣ ଏସିଆ ଦେଶ ଗୁଡ଼ିକରେ ଏବେ କରୋନା ମାମଲା ବୃଦ୍ଧି ପରିଲକ୍ଷିତ ହୋଇଛି। ଭାରତ ସହିତ ଏହି ସବୁ କ୍ଷେତ୍ରରେ କରୋନା ସଂକ୍ରମଣ ଏବଂ ଏଥିରେ ହେଉଥିବା ମୃତ୍ୟୁ ହାର ୯୦ ପ୍ରତିଶତରୁ ଅଧିକ ରହିଛି। ଗତ ସପ୍ତାହରେ ବିଶ୍ବ ସ୍ବାସ୍ଥ୍ୟ ସଂଗଠନ ପକ୍ଷରୁ କୁହାଯାଇଥିଲା, ସଂକ୍ରମିତ ମାମଲାରେ ଭାରତର ଭାଗିଦାରୀ ୪୬ ପ୍ରତିଶତ ହୋଇଥିବା ବେଳେ ମୃତ୍ୟୁ ମାମଲାରେ ୨୫ ପ୍ରତିଶତ ରହିଛି। ଦକ୍ଷିଣ ଏସିଆ ପାଇଁ କ୍ଷେତ୍ରୀୟ ନିର୍ଦେଶକ ଜର୍ଜ ଲାରିଆ ଆଦଜେଇ କହିଛନ୍ତି, କରୋନାରେ ହେଉଥିବା ଭୟଙ୍କର ପରିସ୍ଥିତିକୁ ଜଳଦି ରୋକିବା ପାଇଁ ଆକ୍ସନର ଆବଶ୍ୟକତା ଥିବା ବେଳେ ମଜଭୁତ ନେତୃତ୍ବର ଦରାକର ରହିଛି।

ଯଦି ଖୁବଶୀଘ୍ର କିଛି ପଦକ୍ଷେପ ନିନିଆଯାଏ ତେବେ କରୋନା ବିରୋଧରେ ଯେତିକି ସଫଳତା ମିଳିଛି ସେସବୁ ବ୍ୟର୍ଥ ହୋଇଯିବ। ଏହାସହ ୟୁନିସେଫ ଏବଂ ଲାରିଆଙ୍କ କହିବା ଅନୁସାରେ, ଏବେ ଭାରତରେ ଅକ୍ସିଜେନ ଅଭାବରେ ଲୋକେ ପ୍ରାଣ ହରାଉଛନ୍ତି। ସ୍ବାସ୍ଥ୍ୟ କର୍ମୀ ଧିରେ ଧିରେ ମାନସିକ ଭାବେ ଦୁର୍ବଳ ହେବାରେ ଲାଗିଛନ୍ତି। ଏପରି ପରିସ୍ଥିତି ଲାଗି ରହିଲେ ଆହୁରି ଜୀବନ ଯିବାର ଆଶଙ୍କା ବଢ଼ିଯିବ।

Powered by Froala Editor