ପୁଣି ଜଣେ ମଡେଲଙ୍କ ଆତ୍ମହତ୍ୟା
କୋଲକାତାରୁ ଗତ ୨ସପ୍ତାହ ମଧ୍ୟରେ ଗଲାଣି ୪ ଜଣ ମଡେଲଙ୍କ ଜୀବନ। ପୂର୍ବରୁ ୩ ଜଣ ମଡେଲ ଆତ୍ମହତ୍ୟା କରିବା ଖବର ସାମ୍ନାକୁ ଆସିଥିବା ବେଳେ ଏବେ ଆଉ ଜଣେ ମଡେଲ ଆତ୍ମହତ୍ୟା କରିଛନ୍ତି। ରବିବାର କସବା ଅଞ୍ଚଳର ବେଡିଆଡଙ୍ଗା ସ୍ଥିତ ନିଜ ବାସଭବନର ୧୮ ବର୍ଷୀୟ ଜଣେ ମଡେଲ ଆତ୍ମହତ୍ୟା କରିଥିବା ଜଣାପଡ଼ିଛି। ମୃତ ଯୁବତୀଙ୍କକ ନାମ ସରସ୍ୱତୀ। ତାଙ୍କ ମୃତ ଦେହକୁ ଝୁଲନ୍ତା ଅବସ୍ଥାରେ ଉଦ୍ଧାର କରାଯାଇଛି। ମଡେଲ ଜଣକ ଅନେକ ଛୋଟ ଛୋଟ ଉଦ୍ୟୋଗ ପାଇଁ ମଡେଲିଂ କରିଥିବା ଜଣାପଡ଼ିଛି । ତାଙ୍କ ପାଖରେ ଅନେକ ଅଫର ମଧ୍ୟ ଥିଲା। ହେଲେ ସେ ଶନିବାର ଆତ୍ମହତ୍ୟା କରିଥିବା ପୁଲିସ କହିଛି।
ସରସ୍ୱତୀଙ୍କ ଜେଜେମା ପ୍ରଥମେ ତାଙ୍କୁ ପଙ୍ଖାରେ ଝୁଲୁଥିବାର ଦେଖିଥିଲେ। ପରିବାର ଲୋକେ ତାଙ୍କୁ ତୁରନ୍ତ ଡାକ୍ତରଖାନା ନେଇଥିଲେ ବି ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ପୁଲିସ କହିଛି ଯେ, ଶବ ବ୍ୟବଚ୍ଛେଦ ରିପୋର୍ଟକୁ ଅପେକ୍ଷା କରାଯାଇଛି। ସରସ୍ୱତୀଙ୍କ ୩ ସହଯୋଗୀ ମଡେଲଙ୍କ ସହ କଣ ସମ୍ପର୍କ ଥିଲା ଯାଞ୍ଚ କରାଯାଉଛି। ସରସ୍ୱତୀଙ୍କ ମୋବାଇଲ ଫୋନ୍ ଜବତ କରିଛି ପୁଲିସ।
Powered by Froala Editor
