ମୁମ୍ବାଇ: ଫିଲ୍ମ ପୃଥ୍ୱୀରାଜ୍‌କୁ ନେଇ ବଲିଉଡ୍ ଅଭିନେତା ଅକ୍ଷୟ କୁମାର ବେଶ୍ ଆଶାବାଦୀ ଅଛନ୍ତି । ବହୁ ପ୍ରତୀକ୍ଷିତ ଏହି ଚଳଚ୍ଚିତ୍ରଟି ଖୁବ୍‌ଶୀଘ୍ର ମୁକ୍ତିଲାଭ କରିବ । ବର୍ତ୍ତମାନ ଏହାର ପ୍ରମୋସନ୍‌ରେ ବ୍ୟସ୍ତ ଅଛନ୍ତି ଖିଲାଡୀ କୁମାର । ଏହା ଭିତରେ ଏକ ବଡ଼ ଖବର ସାମ୍ନାକୁ ଆସିଛି । ଶୁଣିବାକୁ ମିଳୁଛି ଏହାର ସ୍କ୍ରିନିଂରେ ସାମିଲ ହେବେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ।

ଏନେଇ ଫିଲ୍ମର ନିର୍ଦ୍ଦେଶକ ଚନ୍ଦ୍ରପ୍ରକାଶ ଦ୍ୱିବେଦୀ ସୂଚନା ଦେଇଛନ୍ତି କି କେନ୍ଦ୍ରମନ୍ତ୍ରୀ ଜୁନ୍ ୩ରେ ଏହି ଫିଲ୍ମକୁ ଦେଖିବେ । ସେ କହିଛନ୍ତି କି ଆମ ସମ୍ମାନର ବିଷୟ ଯେ ଦେଶର ଗୃହମନ୍ତ୍ରୀ ଅମିତ ଶାହ ସମ୍ରାଟ ପୃଥ୍ୱୀରାଜ୍ ଚୌହାନ୍‌ଙ୍କ ଜୀବନ ଉପରେ ଆଧାରିତ ଏହି ଫିଲ୍ମର ସାକ୍ଷୀ ହେବାକୁ ଯାଉଛନ୍ତି । ତେବେ ଫିଲ୍ମର ସ୍କ୍ରିନିଂ କେଉଁଠାରେ ହେବ ତାହା ଏପର୍ଯ୍ୟନ୍ତ ସ୍ଥିର ହୋଇନି ।

ଅକ୍ଷୟ କୁମାର ପୃଥ୍ୱୀରାଜଙ୍କ ଭୂମିକାରେ ନଜର ଆସିବେ । ଫିଲ୍ମଟି ହିନ୍ଦୀ, ତାମିଲ ଏବଂ ତେଲୁଗୁ ଭାଷାରେ ୩ ଜୁନରେ ମୁକ୍ତିଲାଭ କରିବ । ଏହି ଫିଲ୍ମ ଜରିଆରେ ବଲିଉଡ୍‌ରେ ଡେବ୍ୟୁ କରିବେ ମନୁଷୀ ଚିଲାର । ଏଥିପାଇଁ ସେ ମଧ୍ୟ ବେଶ ଆଶାବାଦୀ ଥିବା ଜଣାପଡ଼ିଛି । ତେବେ ଏହା ମୁକ୍ତିଲାଭ କରିବା ପରେ ଜଣାପଡ଼ିବ ଫିଲ୍ମଟି ବକ୍ସ ଅଫିସରେ କିଭଳି କାରବାର କରୁଛନ୍ତି । ଅର୍ଥାତ୍ ଦର୍ଶକ ଏହାକୁ କେତେ ମାତ୍ରାରେ ପସନ୍ଦ କରୁଛନ୍ତି ତାହା ଦେଖିବାକୁ ବାକି ରହିଲା ।

Powered by Froala Editor