ଚନ୍ଦକାରେ ନନ୍ଦ ହାତୀ ମୃତ
ଭୁବନେଶ୍ୱର: ଚନ୍ଦକା ଗୋଡ଼ିବାରୀଠାରେ ଥିବା କୁମ୍କୀ ହାତୀ ‘ନନ୍ଦ’ ପ୍ରାଣ ହରାଇଛି। ଦୁଇଦିନ ହେଲା ଜ୍ୱରରେ ପୀଡ଼ିତ ନନ୍ଦ ରବିବାର ଭୋରରୁ ତଳେ ପଡ଼ି ଯାଇ ଥିଲା । ତା’ର ଚିକିତ୍ସାରେ ଡାକ୍ତରୀ ଦଳ ଲାଗିଥିଲେ। ହେଲେ ଆଜି ସକାଳେ ହାତୀ ନନ୍ଦର ମୃତ୍ୟୁ ଘଟିଥିବା ସୂଚନା ମିଳିଛି।
ସୂଚନା ମୁତାବିକ. ଅସହ୍ୟ ଗରମ ହେତୁ ଦୁଇଦିନ ହେଲା ନନ୍ଦ ବ୍ୟତିବ୍ୟସ୍ତ ଥିଲା । ରବିବାର ଭୋରରୁ ନନ୍ଦ ତଳେ ପଡ଼ି ଯାଇଥିଲା । ମାହୁନ୍ତମାନେ ମଟର ଲଗାଇ ପାଣିମାଡ଼ କରିଥିଲେ । ତଥାପି ସେ ଉଠି ପାରିନଥିଲା । ପରେ ଓୟୁଏଟି ଡାକ୍ତରଙ୍କୁ ଖବର ଦିଆଯାଇଥିଲା । ନନ୍ଦ ହରପିସ୍ରେ ସଂକ୍ରମିତ ହୋଇଥିବା ଡାକ୍ତର ଦଳ ସନ୍ଦେହ କରିଥିଲେ। ତେବେ ସୋମବାର ସକାଳେ ହାତୀ ନନ୍ଦର ମୃତ୍ୟୁ ଘଟିଛି।
ସୂଚନା ଥାଉକି, ଚନ୍ଦକା ଅଭୟାରଣ୍ୟରେ କୁମାରଖୁଣ୍ଟି ଠାରେ ହାତୀଙ୍କ ପାଠଶାଳା ଆରମ୍ଭ ହୋଇ ଯାଇଛି । ସେଠାରେ ଥିବା ଶଙ୍କର ହାତୀ ସହ ଗୋଡ଼ିବାରୀରେ ଥିବା ଯଶୋଦାକୁ ସେଠାକୁ ନିଆ ଯାଇଛି । ନନ୍ଦକୁ ଟ୍ରାଙ୍କୁଲାଇଜ୍ କରି ନେବାକୁ ଚେଷ୍ଟା କରା ଯାଇଥିଲେ ମଧ୍ୟ ସଫଳତା ମିଳିନଥିଲା । ।
Powered by Froala Editor
