ଭୁବନେଶ୍ୱର : ଖଣି ମାଲିକ ତଥା କେନ୍ଦୁଝର ଜିଲ୍ଲା ଚମ୍ପୁଆର ପୂର୍ବତନ ବିଧାୟକ ଜିତୁ ପଟ୍ଟନାୟକଙ୍କ ୧୩୩ କୋଟିର ଜମାକୁ  ପ୍ରବର୍ତ୍ତନ ନିଦେ୍ର୍ଧଶାଳୟ ସିଜ୍ କରିଛି  । ଜିତୁ ପଟ୍ଟନାୟକଙ୍କ ଘରେ ଗତକାଲି ପ୍ରବର୍ତ୍ତନ ନିଦେ୍ର୍ଧଶାଳୟର ଚଢାଉ ପରେ ଏପରି ଦୃଢ କାର୍ଯ୍ୟାନୁଷ୍ଠାନ ନିଆଯାଇଥିବା ଜଣାଯାଇଛି ।

ଜିତୁ ପଟ୍ଟନାୟକଙ୍କ ଖଣିରୁ ବେଆଇନ ଖଣିଜ କାରବାର ତଥା ମନି ଲଣ୍ଡ୍ରିଂ ମାମଲାରେ  ପ୍ରବର୍ତ୍ତନ ନିଦେ୍ର୍ଧଶାଳୟ ପକ୍ଷରୁ ଏହି ଚଢାଉ ହୋଇଥିଲା । ଗତକାଲି  ଜିତୁ ପଟ୍ଟନାୟକଙ୍କ  ଭୁବନେଶ୍ୱର ସୂର୍ଯ୍ୟନଗର ସ୍ଥିତ ବାସଭବନ ସହିତ ଅନ୍ୟ ଏକ ସ୍ଥାନରେ ଚଢାଉ  ହୋଇଥିଲା । ସେହିଭଳି କେନ୍ଦୁଝର ଜିଲ୍ଲା ଯୋଡ଼ାର ସାଇ ମନ୍ଦିର ପାଖରେ ଥିବା ତାଙ୍କ ବାସଭବନ ଓ ବନେଇକଳା ଛକରେ ଥିବା ଖଣି କାର୍ଯ୍ୟାଳୟରେ ମଧ୍ୟ  ଇଡି ପକ୍ଷରୁ ଚଢାଉ କରାଯାଇଥିଲା ।

ରେଡ୍ ବେଳେ ୧୩୩ କୋଟି ଟଙ୍କାର ଫିକ୍ସଡ୍ ଡିପୋଜିଟ୍ ସିଜ୍ ହୋଇଛି । ଏହା ସହିତ ଘରୁ ଜବତ ହୋଇଥିବା ନଗଦ ୬୯ଳକ୍ଷ ଟଙ୍କା ମଧ୍ୟ ସିଜ୍ ହୋଇଛି । ଏଥିସହ ଜବତ କମ୍ପୁ୍ୟଟରର ହାର୍ଡ ଡିସ୍କରୁ ତଥ୍ୟ ସଂଗ୍ରହ କରିବାକୁ ଇଡି ପ୍ରୟାସ କରୁଥିବା ଜଣାପଡିଛି ।

ସୂଚନାଥାଉକି, ଜିତୁ ପଟ୍ଟନାୟକ ୨୦୦୯ରେ ବିଧାନସଭାକୁ ନିର୍ବାଚିତ ହୋଇ ଆସିଥିଲେ । ସେ ସ୍ୱାଧୀନ ପ୍ରାର୍ଥୀ ଭାବେ ଏହି ନିର୍ବାଚନ ଲଢି ବିଜୟ ହାସଲ କରିଥିଲେ ।

Powered by Froala Editor