ଉତ୍ତରାଖଣ୍ଡ ପିଥୌରାଗଡରେ ଭୂକମ୍ପ ଝଟ୍କା
ଉତ୍ତରାଖଣ୍ଡ ପିଥୌରାଗଡ ଜିଲ୍ଲାରେ ପୁଣି ଥରେ ଭୂକମ୍ପ ଝଟ୍କା ଅନୁଭୂତ ହୋଇଛି । ନେପାଳ ସୀମାର ଆଖପାଖ ଅଞ୍ଚଳରେ ଭୂକମ୍ପ ଝଟ୍କା ଅନୁଭୂତ ହୋଇଛି । ରିକ୍ଟର ସ୍କେଲରେ ଭୂକମ୍ପ ତୀବ୍ରତା ୪.୬ ରହିଛି । ସୂଚନା ଅନୁସାରେ ଏପର୍ଯ୍ୟନ୍ତ ମୃତାହତ ହୋଇନାହାନ୍ତି।
ଏହା ପୂର୍ବରୁ ଫେବୃଆରୀ ୧୨ରେ ଭୂକମ୍ପ ଝଟ୍କା ଅନୁଭୂତ ହୋଇଥିଲା। ରିକ୍ଟର ସ୍କେଲରେ ଭୂକମ୍ପର ତୀବ୍ରତା ୪.୧ରେକର୍ଡ କରାଯାଇଥିଲା। ଉତ୍ତରାଖଣ୍ଡ ଉତ୍ତରକାଶୀ ଜିଲ୍ଲାରେ ଭୂକମ୍ପ କେନ୍ଦ୍ର ହୋଇଥିବା ସୂଚନା ମିଳିଥିଲା। ଗତ ଗୁରୁବାର ଦିନ ଜମ୍ମୁକଶ୍ମୀରରେ ଭୂକମ୍ପ ଝଟ୍କା ଅନୁଭୂତ ହୋଇଥିଲା। ରିକ୍ଟର ସ୍କେଲ୍ରେ ଭୂକମ୍ପର ତୀବ୍ରତା ୫.୩ ରହିଥିଲା। ତେବେ ଏହି ଦୁଟି ଭୂକମ୍ପରେ ମଧ୍ୟ କାହାର କୌଣସି କ୍ଷୟକ୍ଷତି ହୋଇନଥିଲା କି କେହି ମୃତାହତ ହୋଇନଥିଲେ। କିନ୍ତୁ ବାରମ୍ବାର ଭୂକମ୍ପ ହେଉଥିବାରୁ ସେଠାକାର ଲୋକେ ଭୟଭୀତ ହୋଇଛନ୍ତି । ମୃତାହତ ଖବର ମିଳିନଥିଲେ ବି କିଛିଟା ଧନସମ୍ପତ୍ତି ନଷ୍ଟ ହୋଇଥିବା ଖବର ମିଳିଛି ।
Powered by Froala Editor
