ଶ୍ୱଶୁର ଘରୁ ଚୋରି କଲା ଜ୍ୱାଇଁ
ଚନ୍ଦ୍ରଶେଖରପୁର: ଶ୍ୱଶୁର ଘରୁ ଚୋରି କରି ଜ୍ୱାଇଁ ଗିରଫ ହୋଇଛନ୍ତି । ତାଙ୍କ ନାମ ଚନ୍ଦା ଓରଫ ରାଜା ଓରଫ ପ୍ରଦୀପ କୁମାର ପାଢ଼ୀ(୩୨) । ଘର କେନ୍ଦୁଝର ଜିଲ୍ଲା ଆନନ୍ଦପୁର ଫକୀରପୁର । ସେ ଚନ୍ଦ୍ରଶେଖରପୁର ହାଉସିଂବୋର୍ଡ ରାଧାକୃଷ୍ଣ ଲେନ୍ ବସ୍ତିରେ ରହୁଥିଲେ । ତାଙ୍କ ଠାରୁ ସୁନା ଅଳଙ୍କାର ଓ ଲାପ୍ଟପ ଜବତ ହୋଇଛି ।
ସୂଚନା ଅନୁଯାୟୀ, ଚନ୍ଦ୍ରଶେଖରପୁର ହାଉସିଂବୋର୍ଡରେ ରହୁଥିବା ବାବୁ ସେଠୀଙ୍କ ପରିବାର ଗତ ୩ ତାରିଖରେ ଜଣେ ବନ୍ଧୁଙ୍କ ଘରକୁ ବିବାହ କାର୍ୟ୍ୟକ୍ରମରେ ଯୋଗ ଦେବାକୁ ଯାଇଥିଲେ । ସେମାନେ ଫେରିବା ବେଳକୁ ଆଲମିରା ତାଲା ଭାଙ୍ଗି କେହି ସୁନା ଚେନ୍, ସୁନା ମୁଦି ଓ ଏକ ଲାପ୍ଟପ ନେଇ ଯାଇଥିବା ଜଣା ପଡ଼ିଥିଲା । ଏନେଇ ଶ୍ରୀ ସେଠୀ ଚନ୍ଦ୍ରଶେଖରପୁର ଥାନାରେ ଅଭିଯୋଗ କରିଥିଲେ । ପୁଲିସ ତଦନ୍ତ କରି ରାଜାଙ୍କୁ ପଚରାଉଚରା ବେଳେ ସେ ଶ୍ୱଶୁର ଘରୁ ଚୋରି କରିଥିବା ମାନି ଯାଇଥିଲେ । ତାଙ୍କ ଘରୁ ଚୋରି ସାମଗ୍ରୀ ଜବତ ହୋଇଥିଲା ।ରାଜାଙ୍କ ନାମରେ କେବଳ ଚନ୍ଦ୍ରଶେଖରପୁର ଥାନାରେ ୫ଟି ଚୋରି ମାମଲା ରହିଛି ।ଗୁରୁବାର ରାଜାଙ୍କୁ କୋର୍ଟ ଚାଲାଣ କରାଯାଇଛି ।
Powered by Froala Editor
