୬୬ ବର୍ଷରେ ଦ୍ୱିତୀୟ ବିବାହ କଲେ ଅରୁଣ ଲାଲ, ବୁଲବୁଲଙ୍କ ସହ ପଡ଼ିଲା ହାତଗଣ୍ଠି
ନୂଆଦିଲ୍ଲୀ: ଭାରତୀୟ କ୍ରିକେଟ ଟିମ୍ର ପୂର୍ବତନ ଖେଳାଳି ଅରୁଣ ଲାଲ ୬୬ ବର୍ଷରେ ଦ୍ୱିତୀୟ ବିବାହ କରିଛନ୍ତି । ସେ ୩୮ ବର୍ଷୀୟା ବୁଲବୁଲ ସାହାଙ୍କୁ ଜୀବନ ସାଥୀ ଭାବେ ବାଛିଛନ୍ତି । କୋଲକାତାସ୍ଥିତ ହୋଟେଲ୍ ପିୟରଲେସ୍ ଇନ୍ରେ ଗତ ରାତିରେ ଏକ ହାଇ ପ୍ରୋଫାଇଲ ରିସେପସନ ପାର୍ଟିରେ ଉଭୟ ନଜର ଆସିଥିଲେ ।
ଗ୍ରାଣ୍ଡ ପାର୍ଟିରେ ବୁଲବୁଲ ଏକ କ୍ରିମ୍ କଲର ଶାଢି ପିନ୍ଧିଥିବା ବେଳେ ତାହାକୁ ମ୍ୟାଚ କରି ଅରୁଣ ଲାଲ ଏକ ସେରୱାନୀ ସହ ଓଭରକୋଟ କ୍ୟାରି କରିଥିଲେ । ଉଭୟ ସାଥୀ ହୋଇ କେକ୍ କଟିଂ ସେରିମନି କରିବା ସହ ଫଟୋ ପୋଜ୍ ଦେଇଥିଲେ । ଉତ୍ସବରେ ବହୁ ନାମୀଦାମୀ ବ୍ୟକ୍ତି ବିଶେଷଙ୍କୁ ଦେଖିବାକୁ ମିଳିଥିଲା । ବିସିସିଆଇ ପ୍ରେସିଡେଣ୍ଟ ସୌରଭ ଗାଙ୍ଗୁଲିଙ୍କ ସମେତ ତୃଣମୂଳ ସାଂସଦ ଡେରେକ ଓ ବ୍ରାୟନ ଓ କ୍ରିକେଟର ସବା କରିମ ପ୍ରମୁଖ ସାମିଲ ହୋଇଥିଲେ ।
ଅରୁଣ ଲାଲଙ୍କ ପ୍ରଥମ ପତ୍ନୀ ରିନା ଦୀର୍ଘ ଦିନ ଧରି ଅସୁସ୍ଥ ହୋଇ ପଡ଼ିଛନ୍ତି । ତାଙ୍କ ଅନୁମତି କ୍ରମେ ଅରୁଣ ଦ୍ୱିତୀୟ ବିବାହ କରିବାକୁ ନିଷ୍ପତ୍ତି ନେଇଥିବା ସୂଚନା ଦେଇଛନ୍ତି । ଏବେ ଉଭୟଙ୍କ ଫଟୋ ସୋସିଆଲ୍ ମିଡିଆରେ ଭାଇରାଲ୍ ହେଉଛି । ନବ ଦମ୍ପତିଙ୍କୁ ଫ୍ୟାନ୍ମାନେ ଢେର ସାରା ଶୁଭେଚ୍ଛା ଜଣାଉଛନ୍ତି ।
Powered by Froala Editor
