ଶପଥ ନେଲେ ମମତା
କୋଲକାତା: ପଶ୍ଚିମବଙ୍ଗର ମୁଖ୍ୟମନ୍ତ୍ରୀଭାବେ ବୁଧବାର ମମତା ବାନାର୍ଜୀ ଶପଥ ଗ୍ରହଣ କରିଛନ୍ତି । କୋଭିଡ କଟକଣା ଭିତରେ ତୃତୀୟ ଥର ପାଇଁ ମମତା ପଶ୍ଚିମବଙ୍ଗର ମୁଖ୍ୟମନ୍ତ୍ରୀଭାବେ ଶପଥ ଗ୍ରହଣ କରିଛନ୍ତି । ଏନେଇ କୋଲକାତାସ୍ଥିତ ରାଜଭବନରେ ଶପଥପାଠ ଉତ୍ସବ ଅନୁଷ୍ଠିତ ହୋଇଥିଲା । କୋଭିଡ ପାଇଁ କିଛି ଲୋକଙ୍କ ଉପସ୍ଥିତିରେ ମମତା ଶପଥ ଗ୍ରହଣ କରିଛନ୍ତି । ରାଜ୍ୟପାଳ ଜଗଦୀପ ଧନଖର ମମତାଙ୍କୁ ଶପଥ ପାଠ କରାଇଛନ୍ତି ।
ପ୍ରକାଶ ଯେ, ପଶ୍ଚିମବଙ୍ଗ ନିର୍ବାଚନ ଉପରେ ସାରା ଦେଶର ନଜର ରହିଥିଲା । ନିର୍ବାଚନ ଆରମ୍ଭରୁ ସବୁଠାରୁ ବେଶ ଚର୍ଚ୍ଚା ସୃଷ୍ଟି କରିଥିଲା ମମତା ଦିଦିଙ୍କ ‘ଖେଲା ହବେ’ ସ୍ଲୋଗାନ । ପଶ୍ଚିମବଙ୍ଗ ରାଜନୀତିକ ମଇଦାନରେ ମୋଦି ଓ ମମତାଙ୍କ ମଧ୍ୟରେ ଜମାଣିଆ ଖେଳ ବି ହେଲା । ହେଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ସ୍ୱରାଷ୍ଟ୍ରମନ୍ତ୍ରୀ ଅମିତ ଶାହାଙ୍କ ଶତଚେଷ୍ଟା ସତ୍ୱେ ବି ପୁଣିଥରେ ପଶ୍ଚିମବଙ୍ଗରେ ମମତା ରାଜ କରିବେ । ବିଜେପି ଦୁଇ ଶତକ ମାରିବାର ସ୍ୱପ୍ନ ଦେଖିଥିବାବେଳେ ମମତାଙ୍କ ଯାଦୁରେ ବାଜି ପଲଟବାର କରିଛି । ଅର୍ଥାତ ବିଜେପି ନୁହେଁ ଟିଏମସି ହିଁ ଦୁଇଶହ ଆସନରେ ବାଜିମାତ କରିବାରେ ସମର୍ଥ ହୋଇଛି ।
Powered by Froala Editor
