ଭୁବନେଶ୍ବର : ରାଜ୍ୟରେ ଭୟଙ୍କର ହେଉଛି କରୋନା ସ୍ଥିତି ।  ବଢୁଛି କରୋନାର କାୟା ।  ସ୍ଥିତି ହେଉଛି ବେକାବୁ । ଓଡ଼ିଶାରେ କରୋନା ମହାମାରୀର ମହାସମର ଆରମ୍ଭ ହୋଇଯାଇଛି । କରୋନା ଏବେ ଲମ୍ବ ଡିଆଁ ମାରି ଗୋଟିକ ପରେ  ଗୋଟିଏ ଜିଲ୍ଲାରେ ପ୍ରବେଶ କରିବା ସହ ଆତଙ୍କ ଖେଳାଇ ଚାଲିଛି । ଦିନକୁ ଦିନ ଆକ୍ରାନ୍ତଙ୍କ ସଂଖ୍ୟା ବଢି ଚାଲିଛି । ଏହାରି ଭିତରେ  ଗତ ୨୪ ଘଣ୍ଟା ରାଜ୍ୟରେ ୩୦ଟି ଜିଲ୍ଲାରୁ ୯ ହଜାର ୮୮୯ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି। ୪୬୮୪ ଜଣ କ୍ୱାରେଣ୍ଟାଇନ୍‌ରେ ଥିବା ବେଳେ ୩୩୫୨ ଜଣ ରୋଗୀ ସ୍ଥାନୀୟ ସଂକ୍ରମିତ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ମୋଟ୍ କରୋନା ସଂକ୍ରମିତଙ୍କ ସଂଖ୍ୟା ୪ ଲକ୍ଷ ୮୯ ହଜାର ୬୪୧ ଜଣ କୁ ଛୁଇଁଛି। ଏ ନେଇ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ଦିଆଯାଇଛି।
ଖୋର୍ଦ୍ଧା ଜିଲ୍ଲାରେ ସର୍ବାଧିକ ୧୩୩୧ ଜଣ, ସୁନ୍ଦରଗଡ଼ରୁ ୧୧୩୭ ଜଣ, କଟକରୁ ୭୯୦ ଜଣ, ବରଗଡ଼ରୁ ୪୮୩ ଜଣ, ସମ୍ବଲପୁରରୁ ୪୭୦ ଜଣ, ଅନୁଗୁଳରୁ ୪୪୩ ଜଣ,ପୁରୀରୁ ୪୩୬ ଜଣ, କଳାହାଣ୍ଡି ଓ ନବରଙ୍ଗପୁରର ଜିଲ୍ଲାରୁ ୪୧୪ ଜଣ ଲେଖାଏଁ, ଝାରସୁଗୁଡ଼ାରୁ ୩୮୬ ଜଣ, ନୂଆପଡ଼ାରୁ ୩୩୫ ଜଣ,ବଲାଙ୍ଗୀରୁ ୩୨୬ ଜଣ, ଗଞ୍ଜାମରୁ ୩୧୦ ଜଣ, ଯାଜପୁରରୁ ୨୮୨ ଜଣ, ମୟୂଭଞ୍ଜରୁ ୨୪୩ ଜଣ,ନୟାଗଡ଼ାରୁ ୨୨୩ ଜଣ,କେନ୍ଦୁଝରୁ ୧୯୫ ଜଣ, ସୋନପୁରରୁ ୧୫୮ ଜଣ,ଜଗତସିଂହପୁରରୁ ୧୫୬ ଜଣ,ବାଲେଶ୍ବରୁ ୧୫୧ ଜଣ, କେନ୍ଦ୍ରାପଡ଼ାରୁ ୧୩୩ ଜଣ, ବୌଦ୍ଧ ଓ ରାୟଗଡ଼ା ଜିଲ୍ଲାରୁ ୧୨୯ ଜଣ ଲେଖାଏଁ ,ଗଜପତିରୁ ୧୧୭ ଜଣ, ଢ଼େଙ୍କାନାଳରୁ ୯୦ ଜଣ, କୋରରାପୁଟରୁ ୯୪ ଜଣ, ମାଲକାନଗିରିରୁ ୮୬ ଜଣ,ଦେବଗଡ଼ରୁ ୭୫ ଜଣ, ଭଦ୍ରକ ଓ କନ୍ଧମାଳର ଜିଲ୍ଲାରୁ ୫୨ ଜଣ ଲେଖାଏଁ ଏବଂ ଷ୍ଟେଟ୍ ପୋଲ୍‌ରୁ ୨୪୯ ଜଣ ସଂକ୍ରମିତ ଚିହ୍ନଟ ହୋଇଛନ୍ତି।
ସୂଚନାଯୋଗ୍ୟ ଯେ, ରାଜ୍ୟରେ ବର୍ତ୍ତମାନ ସୁଦ୍ଧା ମୋଟ୍ ୪ ଲକ୍ଷ ୮୯ ହଜାର ୬୪୧ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏଥି ମଧ୍ୟରୁ ୭୭ ହଜାର ୨୫୭ ଜଣ ଆକ୍ଟିଭ୍‌ କେସ୍‌ ରହିଥିବା ବେଳେ ୪ ଲକ୍ଷ ୧୦ ହଜାର ୨୨୭ ଜଣ ସୁସ୍ଥ ହୋଇ ଘରକୁ ଫେରିଛନ୍ତି।

Powered by Froala Editor