ବଧୂ ବେଶରେ ସଜେଇ ହୋଇ 'କଚ୍ଚା ବାଦାମ' ଗାଇଲେ ରାନୁ, ଏମିତି କମେଣ୍ଟ ଦେଲେ ୟୁଜର୍ସ
କିଛି ନା କିଛି ଟପିକ୍କୁ ନେଇ ଚର୍ଚ୍ଚାରେ ଥାନ୍ତି ରାନୁ ମଣ୍ଡଳ । ଏବେ ତାଙ୍କର ଆଉ ଏକ ଲୁକ୍ର ଭିଡିଓ ସାମ୍ନାକୁ ଆସିଛି । ଯାହାକୁ ଦେଖି ଦର୍ଶକ ଯେତିକି ହସୁଛନ୍ତି ସେତିକି କମେଣ୍ଟ ମଧ୍ୟ କରୁଛନ୍ତି । ଭିଡିଓଟିରେ ରାନୁ ଲାଲ ରଙ୍ଗର ଶାଢ଼ୀ ଓ ଗହଣାରେ ଏକ ବଙ୍ଗାଳି ଷ୍ଟାଇଲ କନ୍ୟା ଲୁକରେ 'କଚ୍ଚା ବାଦାମ" ଗୀତ ଗାଉଥିବା ନଜର ଆସିଛନ୍ତି ।
ସେପଟେ ଦର୍ଶକ ମାନେ ବୁଝିପାରୁନାହାନ୍ତି ଯେ, ରାନୁ ମଣ୍ଡଳ କନ୍ୟା ବେଶରେ କାହିଁକି ନଜର ଆସିଛନ୍ତି । ଭାଇରଲ ହେବା ପରେ ଲୋକେ ରାନୁଙ୍କ ଏହି ଭିଡିଓର ଖୁବ ମଜା ନେଉଛନ୍ତି । କିଛି ଜଣ ତ ତାଙ୍କୁ କଙ୍ଗନା ରାଣାବାତଙ୍କ ଶୋ Lock Up ରେ ଯିବାକୁ ଉପଦେଶ ଦେଉଛନ୍ତି । ଆଉ ଜଣେ ୟୁଜର ଲେଖିଛନ୍ତି କି- ତମକୁ ଏମିତି ଏଅବସ୍ଥାରେ ଦେଖି ଆମକୁ ଡର ଲାଗୁଛି ।
୨୦୧୯ ମସିହାରେ କୋଲକାତା ରାଣୀଘାଟ ଠାରେ ଥିବା ରେଳଷ୍ଟେସନ ଠାରେ "ଏକ ପ୍ୟାର କା ନଗମା" ଗୀତର ଏକ ଭିଡିଓ ଭାଇରଲ ହେବା ପରେ ରାନୁଙ୍କ ଭାଗ୍ୟ ଏକ ପ୍ରକାର ବଦଳି ଯାଇଥିଲା । ଏମିତିକି ଲତା ମଙ୍ଗେସକରଙ୍କ ସହିତ ତାଙ୍କର ତୁଳନା ବି କରାଯାଇଥିଲା । ଏମିତିକି ଫିଲ୍ମ ଅଭିନେତା ତଥା ଗାୟକ ହିମେସ ରେସମୀୟା ତାଙ୍କୁ ନିଜ ଫିଲ୍ମରେ ଗୀତ ଗାଇବା ପାଇଁ ସୁଯୋଗ ବି ଦେଇଥିଲେ ।
Powered by Froala Editor
