ପୁଣି ବଢିଲା ସିଏନଜି ଦର, କେତେ ଜାଣନ୍ତୁ
ମୁମ୍ବାଇ: ମହାରାଷ୍ଟ୍ର ଗ୍ୟାସ ଲିଃ (ଏମଜିଏଲ) ପୁଣିଥରେ ସିଏନଜି ଓ ଘରୋଇ ପିଏନଜି ଦାମ ବୃଦ୍ଧି କରିଛି । ସିଏନଜି ଦାମ କେଜି ପିଛା ୫ ଟଙ୍କା ବଢିଥିବା ବେଳେ ପିଏନଜି ଦର ୪.୫୦ ଟଙ୍କା ମହଙ୍ଗା ହୋଇଛି । ବର୍ଦ୍ଧିତ ଦର ପରେ ସିଏନଜି ଦାମ କେଜି ପିଛା ୬୭ ଟଙ୍କାରୁ ବଢି ୭୨ ଟଙ୍କାରେ ପହଞ୍ଚିଛି । ସେହିପରି ପିଏନଜି ଦର ୪୧.୫୦ ଟଙ୍କାରୁ ବଢି ୪୫.୫୦ ଟଙ୍କା ଛୁଇଁଛି । ଏହି ନୂଆ ଦର ସମଗ୍ର ମୁମ୍ବାଇ ଓ ଏହାର ଆଖପାଖ ଅଂଚଳରେ ଲାଗୁ ହୋଇଥିବା ଏମଜିଏଲ କହିଛି ।
ଏହାପୂର୍ବରୁ ଏପ୍ରିଲ ୬ରେ ଏମଜିଏଲ୍ ପକ୍ଷରୁ ସିଏନଜି ଓ ରନ୍ଧନ ଗ୍ୟାସ ପିଏନଜି ଦାମ ବୃଦ୍ଧି କରାଯାଇଥିଲା । ସେତେବେଳେ ସିଏନଜି ୭ ଟଙ୍କା ଓ ପିଏନଜି ୫ ଟଙ୍କା ବଢିଥିଲା । ତେବେ ମାର୍ଚ୍ଚ ୩୧ରେ ସିଏନଜିର କେଜି ପିଛା ଦାମ ୬ ଟଙ୍କା ଓ ପିଏନଜି ୩.୫୦ ଟଙ୍କା ହ୍ରାସ ପାଇଥିଲା ।
ରାଜ୍ୟ ସରକାର ଏପ୍ରିଲ ୧ରୁ ସିଏନଜି ଓ ପିଏନଜି ଉପରୁ ଟିକସ ହ୍ରାସ କରିବେ ବୋଲି ଘୋଷଣା କରିବା ପରେ ଏମଜିଏଲ ଦାମ କମାଇଥିଲା । ହେଲେ ଏବେ ଏହା କ୍ରମାଗତ ଭାବେ ବୃଦ୍ଧି ପାଇବାରେ ଲାଗିଛି ।
Powered by Froala Editor
