ଭୁବନେଶ୍ୱରରେ ପୁଣି ଲାଗିଲା ରକ୍ତଛିଟା
ଭୁବନେଶ୍ଵର : ରାଜଧାନୀ ଭୁବନେଶ୍ୱରରେ ପୁଣି ଲାଗିଲା ରକ୍ତଛିଟା । ଗୋଟିଏ ପରିବାରରେ ଉପରେ ମରଣାନ୍ତକ ଆକ୍ରମଣ କରାଯାଇଛି । ଦୁର୍ବୃତ୍ତଙ୍କ ଛୁରାମାଡ଼ରେ ସ୍ୱାମୀଙ୍କ ମୃତୁ୍ୟ ହୋଇଥିବାବେଳେ ସ୍ତ୍ରୀ ଗୁରୁତର ଆହତ ହୋଇଛନ୍ତି । ରାଜଧାନୀରେ ବିଭତ୍ସ ହତ୍ୟା। କ୍ଷତବିକ୍ଷତ ଅବସ୍ଥାରେ ସ୍ଵାମୀଙ୍କ ମୃତଦେହ ଉଦ୍ଧାର, ସ୍ତ୍ରୀ ଗୁରୁତର। ଭୁବନେଶ୍ଵର ଲୋୟର ପିଏମଜି ଠାରେ ଏଭଳି ଅଭାବନୀୟ ଘଟଣା ଘଟିଛି। ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି। ଆହତଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଥିବାବେଳେ ସେମାନଙ୍କ ଏକମାତ୍ର ପୁଅକୁ ଚାଇଲ୍ଟ ଲାଇନକୁ ହସ୍ତାନ୍ତର କରାଯାଇଛି ।
ସୂଚନାନୁଯାୟୀ, ଲୋୟର ପିଏମଜିରେ ରାସ୍ତାକଡ଼ରେ ଥିବା ଏକ ଏଟିଏମ୍ ସମ୍ମୁଖରେ ଜଣେ ବ୍ୟକ୍ତିଙ୍କ ମୃତଦେହ ପଡ଼ିଥିବା ସ୍ଥାନୀୟ ଲୋକେ ଦେଖିଥିଲେ। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରି ତଦନ୍ତ ଆରମ୍ଭ କରିଛି। ତେବେ ଏହି ଦମ୍ପତିଙ୍କ ଉପରେ କିଏ ଏବଂ କାହିଁକି ଆକ୍ରମଣ କରିଛି ତାହାର କାରଣ ଅସ୍ପଷ୍ଟ ରହିଛି। ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଛି।
Powered by Froala Editor
