ବିଲେଇ ହତ୍ୟା ଅଭିଯୋଗରେ ମହିଳା ଗିରଫ
ମୁମ୍ବାଇ: ବିଲେଇ ହତ୍ୟା ଅଭିଯୋଗରେ ଗିରଫ ହେଲେ ଜଣେ ମହିଳା । ବିଲେଇର ପୋଷ୍ଟମଟମ ରିପୋର୍ଟ ଆସିବା ପରେ ସମ୍ପୃକ୍ତ ମହିଳାଙ୍କୁ ଗିରଫ କରିଛି ପୋଲିସ । ମହିଳା ଜଣଙ୍କ ଅଭିଯୋଗକାରୀଙ୍କ ପଡୋଶୀ ହୋଇଥିବା ସୂଚନା । ମହାରାଷ୍ଟ୍ରର ପୁନେରେ ଘଟିଛି ଏପରି ଘଟଣା ।
ସୂଚନା ଅନୁଯାୟୀ, ଚାରି ମାସର ଏକ ବିଲେଇ ହତ୍ୟା ମାମଲାରେ ଜଣେ ମହିଳାଙ୍କ ବିରୋଧରେ ମାମଲା ରୁଜୁ ହୋଇଥିଲା । ସମ୍ପୃକ୍ତ ମହିଳାଙ୍କ ପଡୋଶୀ ତାଙ୍କ ନାମରେ ଥାନାରେ ଅଭିଯୋଗ କରିଥିଲେ । ପୋଲିସ ମାମଲାକୁ ଗୁରୁତର ସହ ନେଇ ବିଲେଇର ମୃତଦେହ ବ୍ୟବଚ୍ଛେଦ କରାଇଥିଲା । ରିପୋର୍ଟରେ, ଏକ ଭାରି ଜିନିଷରେ ବିଲେଇର ମୁଣ୍ଡକୁ ଶକ୍ତ ପ୍ରହାର ଦିଆଯାଇ ହତ୍ୟା କରାଯାଇଥିବା ସ୍ପଷ୍ଟ ହୋଇଥିଲା । ପୋଲିସ ମାମଲାରେ ସମ୍ପୃକ୍ତ ଜଣେ ପଡୋଶୀ ମହିଳାଙ୍କୁ ଗିରଫ କରିଛି । ପଶୁ କ୍ରୁରତା ଅଧିନୀୟମ ଅନୁସାରେ ସମ୍ପୃକ୍ତ ମହିଳାଙ୍କୁ ଗିରଫ କରିଛି ପୋଲିସ ।
Powered by Froala Editor
