କାନାଡାରେ ଗୁଳିକାଣ୍ଡ, ୨୧ ବର୍ଷୀୟ ଭାରତୀୟ ଛାତ୍ରଙ୍କ ମୃତ୍ୟୁ
କାନାଡାର ଟରଣ୍ଟୋ ନଗରୀସ୍ଥିତ ଏକ ଭୂତଳ ରେଳ ଷ୍ଟେସନ୍ ପ୍ରବଶେପଥ ନିକଟରେ ଘଟିଥିବା ଗୁଳିକାଣ୍ଡରେ ଜଣେ ୨୧ ବର୍ଷୀୟ ଭାରତୀୟ ଛାତ୍ରଙ୍କର ମୃତ୍ୟୁ ଘଟିଛି । ତାଙ୍କ ଦେହରେ ଏକାଧିକ ଗୁଳି ବାଜିଛି। ମୃତ ଯୁବକ ଜଣକ ହେଉଛନ୍ତି ୨୧ ବର୍ଷୀୟ କାର୍ତ୍ତିକ ବାସୁଦେବ। ଗତ ଏପ୍ରିଲ ୭ ତାରିଖରେ ଏହି ଘଟଣା ଘଟିଥିବା ଟରଣ୍ଟୋ ପୁଲିସ କହିଛି।
ଘଟଣାଟି ଗୁରୁବାର ସନ୍ଧ୍ୟାରେ ହୋଇଥିବାବେଳେ ସେଣ୍ଟ୍ ଜେମ୍ସ୍ ଟାଉନ୍ରେ ଥିବା ସେର୍ବର୍ଣ୍ଣ ଟିଟିସି ଷ୍ଟେସନ୍ର ଗ୍ଲେନ୍ ରୋଡ୍ ପ୍ରବେଶପଥରେ କାର୍ତ୍ତିକ ବାସୁଦେବ କର୍ମକ୍ଷେତ୍ରକୁ ଯାଉଥିଲେ। ଚିକିତ୍ସାଧୀନ ଅବସ୍ଥାରେ ସେଠାରେ ତାଙ୍କର ମୃତ୍ୟୁ ଘଟିଥିଲା ବୋଲି ବିବୃତିରେ ଟରଣ୍ଟୋ ପୁଲିସ ସର୍ଭିସ୍ କହିଛି। ଏହି ଘଟଣାରେ ଟରଣ୍ଟୋ ପୁଲିସ ତଦନ୍ତ ଆରମ୍ଭ କରିଛି। ଘଟଣାସ୍ଥଳରେ ଥିବା ପ୍ରତ୍ୟକ୍ଷଦର୍ଶୀଙ୍କୁ ପୁଲିସ ପଚରାଉଚରା କରୁଛି। ଏଥିସହ ପୁଲିସ ସେଠାରେ ଲାଗିଥିବା ସିସିଟିଭି ଫୁଟେଜକୁ ଯାଞ୍ଚ କରୁଛି ।
ଏହି ଘଟଣାରେ ବୈଦେଶିକ ମନ୍ତ୍ରୀ ଏସ ଜୟଶଙ୍କର ଗଭୀର ଦୁଃଖ ପ୍ରକାଶ କରିବା ମୃତକଙ୍କ ପରିବାର ପ୍ରତି ସମବେଦନା ଜଣାଇଛନ୍ତି । ଏନେଇ ସେ ଟ୍ୱିଟ୍ କରିଛନ୍ତି।
Powered by Froala Editor
