ଭୁବନେଶ୍ବର ଡେପୁଟି ମେୟର ହେଲେ ବିଜେଡି ପ୍ରାର୍ଥୀ ମଞ୍ଜୁଲତା କହଁର
ଭୁବନେଶ୍ବର: ରାଜଧାନୀର ଡେପୁଟି ମେୟର ହେଲେ ବିଜେଡି ପ୍ରାର୍ଥୀ ମଞ୍ଜୁଲତା କହଁର । ଭୁବନେଶ୍ବର ଉତ୍ତର ନିର୍ବାଚନ ମଣ୍ଡଳୀର ୨୨ନଂ ୱାର୍ଡର କର୍ପୋରେଟର ମଞ୍ଜୁଲତା କହଁରଙ୍କ ମୁଣ୍ଡରେ ଡେପୁଟି ମେୟର ଟିକା ଲାଗିଛି । ରାଜଧାନୀରେ ଜଣେ ମହିଳା ଅନୁସୂଚିତ ଜନଜାତି କର୍ପୋରେଟରଙ୍କୁ ଡେପୁଟି ମେୟର ହେବା ସୁଯୋଗ ପ୍ରଦାନ କରିଛନ୍ତି ମୁଖ୍ୟମନ୍ତ୍ରୀ ।
ମଞ୍ଜୁଲତା କହଁର ଜଣେ ଉଚ୍ଚ ଶିକ୍ଷିତ ମହିଳା । ସେ ରାଜନୀତି ବିଜ୍ଞାନରେ ସମ୍ବଲପୁର ବିଶ୍ଵବିଦ୍ୟାଳୟରେ ଏମଏ କରିଛନ୍ତି । ପ୍ରଥମ ଥର ପାଇଁ ନବନିର୍ବାଚିତ ହୋଇ ବିପୁଳ ବ୍ୟବଧାନରେ ବିଜୟ ଲାଭ କରିଛନ୍ତି ।
ସୂଚନା ଅନୁଯାୟୀ, ଭୁବନେଶ୍ବର ଡେପୁଟି ମେୟର ପାଇଁ ଏକାମ୍ର ନିର୍ବାଚନ ମଣ୍ଡଳୀର ୱାର୍ଡ ନଂ ୪୫ର କର୍ପୋରେଟର ଅମରେଶ ଜେନା(ବାଇଁଆ) ଏବଂ ୱାର୍ଡ ନଂ ୫୯ର ବିରଞ୍ଚି ମହାସୁପକାର(ଲିଟୁ) ଉଚିତ ଦାବିଦାର ବୋଲି ଚର୍ଚ୍ଚା ହେଉଥିବା ବେଳେ ଆଜି ୱାର୍ଡ ନମ୍ବର ୮ରେ ଲାଲମୋହନ ଟୁଡୁଙ୍କୁ ନାମ ବେଶ୍ ଚର୍ଚ୍ଚାରେ ଥିଲା । କାରଣ ସେ ରାଜମିସ୍ତ୍ରୀରୁ କର୍ପୋରେଟର ହୋଇଥିଲେ । ଆଉ ମଞ୍ଜୁଲତାଙ୍କ ଉପରେ ମୋହର ଲାଗିବା ପରେ ଏହି ସବୁ ଚର୍ଚ୍ଚା ବା ସବୁ ଆକଳନକୁ ଭୁଲ ପ୍ରମାଣିତ ହୋଇଛି ।
Powered by Froala Editor
