ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ ଫେରାର !
ଇସଲାମାବାଦ : ପାକ ସଂସଦରେ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ବିରୋଧରେ ଆସିଥିବା ଅନାସ୍ଥା ପ୍ରସ୍ତାବ ନେଇ ଅଧିବେଶନ ଆରମ୍ଭ ହୋଇଯାଇଛି । ତେବେ ଆଶ୍ଚର୍ଯ୍ୟର କଥା ହେଉଛି ଇମ୍ରାନ ଖାନ ଓ ତାଙ୍କ ଦଳର ସାଂସଦମାନେ ସଂସଦ ଆସିନାହାନ୍ତି । ଫଳରେ ଇମ୍ରାନ ଖାନ ଫେରାର ହୋଇଥିବା ନେଇ ଚର୍ଚ୍ଚା ହେଉଛି । ସେ ଅନାସ୍ଥାରେ ହାରିବା ମାତ୍ରେ ପାକର ନୂଆ ପ୍ରଧାନମନ୍ତ୍ରୀ ନେଇ ପ୍ରକ୍ରିୟା ଆରମ୍ଭ ହେବ । ଏହା ସହ ଇମ୍ରାନଙ୍କ ବିରୋଧରେ କେତେକ ଅଭିଯୋଗ ଆଣି ମାମଲା ରୁଜୁ ସହ ଗିରଫ କରାଯିବାର ଆଶଙ୍କା ବି ରହିଛି । ତେଣୁ ଇମ୍ରାନ ସଂସଦ ଆସିନାହାନ୍ତି ବୋଲି ପାକ ଗଣମାଧ୍ୟମରେ ଚର୍ଚ୍ଚା ହେଉଛି ।
ଅପରପକ୍ଷରେ ସଂସଦରେ ଅନାସ୍ଥା ପ୍ରସ୍ତାବକୁ ଟାଳିବା ପାଇଁ ଇମ୍ରାନ ଏଭଳି ରଣନୀତି କରିଥିବା କୁହାଯାଉଛି । ଏବେ କେବଳ ପାକ ସଂସଦରେ ବିପକ୍ଷ ଦଳର ସାଂସଦ ଅଛନ୍ତି । ଅପରପକ୍ଷରେ ବାଚସ୍ପତି ଅସଦ କୈସର ଗୃହ କାର୍ଯ୍ୟ ଆରମ୍ଭ କରିଦେଇଛନ୍ତି । ଶହବାଜ ସରିଫ, ଆସିଫ ଅଲ୍ଲୀ ଜର୍ଦ୍ଦାରୀ, ଖ୍ୱାଜା ମହମ୍ମଦ ଆସିଫ, ଶାହିଦ ଖାକାନ ଓ ବିଲାୱଲ ଭୁଟୋ ସଂସଦରେ ଉପସ୍ଥିତ ଅଛନ୍ତି । ବିରୋଧୀଙ୍କ ସପକ୍ଷରେ ୧୯୬ ସାଂସଦ ଥିବା ଦାବି ହୋଇଛି ।
ସୁପ୍ରିମକୋର୍ଟଙ୍କ ନିଷ୍ପତି କ୍ରମେ ଆଜି ପାକ ସଂସଦରେ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ବିରୋଧରେ ଆଗତ ଅନାସ୍ଥା ପ୍ରସ୍ତାବ ଉପରେ ଭୋଟ ଗ୍ରହଣ ହେବ । ଅନାସ୍ଥା ଭୋଟରେ ଇମ୍ରାନ ଖାନ ନିଶ୍ଚିତ ପରାଜୟବରଣ କରିବେ ବୋଲି କୁହାଯାଉଥିବାବେଳେ ପାକିସ୍ତାନରେ ଇମ୍ରାନ ଖାନଙ୍କ ସମର୍ଥକମାନେ ଆନ୍ଦୋଳନ ଆରମ୍ଭ କରିଦେଇଛନ୍ତି ।
ଆଜି ପୂର୍ବାହ୍ନ ସାଢେ଼ ୧୦ଟାରେ ଭୋଟ ଗ୍ରହଣ ପାଇଁ ଦିନ ଧାର୍ଯ୍ୟ ହୋଇଛି । ସୁପ୍ରିମକୋର୍ଟଙ୍କ ନିର୍ଦ୍ଦେଶ ମୁତାବକ ବାଚସ୍ପତି ଅନାସ୍ଥା ଉପରେ ଭୋଟ ଗ୍ରହଣ ପାଇଁ ଅଧିବେଶନ ଡକାଇଛନ୍ତି । ସୁପ୍ରିମକୋର୍ଟ ଏହି ମାମଲାରେ ରାୟ ଘୋଷଣା କରିବାବେଳେ ଉପବାଚସ୍ପତି କ୍ୱାସିମ ସୁରୀ ଅନାସ୍ଥା ପ୍ରସ୍ତାବ ଖାରଜ ପାଇଁ ନେଇଥିବା ନିଷ୍ପତିକୁ ରବ୍ଦ କରିଦେଇଥିଲେ ।
Powered by Froala Editor