ଋଷକୁ ଏହି ଚେତାବନୀ ଦେଲେ ବାଇଡେନ
ୱାଶିଂଟନ: ପୋଲାଣ୍ଡର ୱାର୍ସାରେ ବାଇଡେନ୍ ୟୁକ୍ରେନର ୨ ପ୍ରମୁଖ ମନ୍ତ୍ରୀ ଏବଂ ଶୀର୍ଷ କିଭ୍ ଅଧିକାରୀଙ୍କ ସହ ବୈଠକ କରିଥିଲେ । ଗସ୍ତର ଦ୍ୱିତୀୟ ଦିନରେ ୱାର୍ସାର ମାରିଅଟ୍ ହୋଟେଲରେ ବାଇଡେନ୍ ଏବଂ ୟୁକ୍ରେନର ୨ ମନ୍ତ୍ରୀଙ୍କ ମଧ୍ୟରେ ଆଲୋଚନା ହୋଇଥିଲା ପ୍ରଥମ ଦିନରେ ସେ ପୋଲାଣ୍ଡ ସୀମାରେ ମୁତୟନ ହୋଇଥିବା ଆମେରିକା ସୈନିକଙ୍କୁ ଭେଟିଥିଲେ । ପୋଲାଣ୍ଡରେ ଆମେରିକା ରାଷ୍ଟ୍ରପତି ବାଇଡେନ ଋଷିଆକୁ କଡା ଚେତାବନୀ ଦେଇଛନ୍ତି । ନାଟୋ ଦେଶର ସୀମାରେ ପ୍ରବେଶ ପାଇଁ ଉଦ୍ୟମ ନକରିବାକୁ ଋଷକୁ ଚେତାବନୀ ଦିଆଯାଇଛି । ବାଇଡେନ କହିଛନ୍ତି, ନାଟୋ ଏକଜୁଟ ଅଛି । ଏହା ସହିତ ସେ ଆହୁରି ମଧ୍ୟ କହିଛନ୍ତି ଯେ, ଋଷିଆ ଗଣତନ୍ତ୍ରର କଣ୍ଠରୋଧ କରୁଛି, ଆମେ ୟୁକ୍ରେନ ସହ ଅଛୁ ଓ ଗଣତନ୍ତ୍ର ପାଇଁ ଆମକୁ ପୂରା ଶକ୍ତିର ସହ ଲଢିବାକୁ ହେବ । ବିଭିନ୍ନ ଦେଶରେ କଟକଣା ପାଇଁ ଋଷିଆର ସ୍ଥିତି ଖରାପ ହୋଇଛି । ୟୁକ୍ରେନକୁ ଆମେରିକାର ସହାୟତା ଜାରି ରହିବ ବୋଲି ବାଇଡେନ କହିଛନ୍ତି । ଏହାସହିତ ୟୁକ୍ରେନ ସହୟତା ପାଇଁ ସବୁ ଦେଶକୁ ଅପିଲ କରିଛନ୍ତି ବାଇଡେନ୍ ।
ଋଷ ରାଷ୍ଟ୍ରପତି ଭ୍ଲାଦିମିର ପୁଟିନ ଜଣେ ନରହନ୍ତା । ପୋଲାଣ୍ଡ ଗସ୍ତରେ ଯାଇ ପୁଟିନଙ୍କ ବିରୋଧରେ ଏଭଲି କଡ଼ା ଶବ୍ଦର ବ୍ୟବହାର କରିଛନ୍ତି ଆମେରିକା ରାଷ୍ଟ୍ରପତି ଜୋ ବାଇଡେନ୍ । ସେ କହିଛନ୍ତି, ୟୁକ୍ରେନ ଉପରେ ରୁଷ ଆକ୍ରମଣ କରିବାର କୌଣସି ଯଥାର୍ଥ କାରଣ ନାହିଁ । ଏଥିସହ ଏଣିକି ଲମ୍ବା ଲଢେଇ ପାଇଁ ପ୍ରସ୍ତୁତ ରହିବାକୁ ପଡିବ ବୋଲି ବାଇଡେନ କହିଛନ୍ତି ।
ୟୁକ୍ରେନକୁ ନେଇ ରୁଷ୍ ନୀତିରେ କୌଣସି ପରିବର୍ତ୍ତନ ହୋଇନାହିଁ । ନାଟୋରେ ବିଭାଜନ ପାଇଁ ପୁଟିନଙ୍କ ପ୍ରୟାସ ପଣ୍ଡ ହୋଇଯାଇଛି । ୟୁକ୍ରେନ ବିରୋଧୀ ଯୁଦ୍ଧରେ ଋଷ ରଣନୀତି ଫେଲ ମାରିଥିବା କହିଛନ୍ତି ବାଇଡେନ୍ ।
ବୈଠକ ପରେ ବାଇଡେନ୍ ୟୁକ୍ରେନକୁ ଆର୍ଥିକ ସହାୟତା କରିବାକୁ ପ୍ରତିଶ୍ରୁତି ଦେଇଛନ୍ତି । ଏହାଛଡା ସାମରିକ ସହାୟତା ପାଇଁ ଆମେରିକୀୟ ସୈନ୍ୟ ପୋଲାଣ୍ଡରେ ରହିବେ ବୋଲି କହିଛନ୍ତି ବାଇଡେନ । ସେପଟେ ବାଇଡେନଙ୍କ ବୟାନକୁ ନେଇ ଆପତି ଜାହିର କରିଛି ରୁଷ। ବାଇଡେନ୍ ଦୁଇ ଦେଶ ମଧ୍ୟରେ ଦୂରତାକୁ ବଢାଉଛନ୍ତି ବୋଲି ରୁଷ କହିଛି।
Powered by Froala Editor