‘ନିମ୍ଵୁଜ୍’ ଲେମ୍ବୁ ପାଣି କି ଫଳରସ ? ଫଇସଲା କରିବେ ସୁପ୍ରିମକୋର୍ଟ
‘ନିମ୍ଵୁଜ୍’ ଲେମ୍ବୁ ପାଣି କି ଫଳରସ ? ଏହାର ଫଇସଲା କରିବେ ସୁପ୍ରିମକୋର୍ଟ । କୋର୍ଟ ରାୟ ଆସିବା ପରେ ଯାଇ ନିମ୍ବୁଜ ଉପରେ ଉତ୍ପାଦନ ଶୁଳ୍କ ଲଗାଯିବ। କୋର୍ଟ ଏଭଳି ମାମଲାର ଶୁଣାଣି କରିବା ପାଇଁ ସହମତି ପ୍ରକାଶ କରିଛନ୍ତି।
ଖବର ଅନୁସାରେ, ନିମ୍ବୁଜର ଉତ୍ପାଦନ ଶୁଳ୍କକୁ ନେଇ ସେଣ୍ଟ୍ରାଲ ଏକ୍ସାଇଜ୍ ଓ ଆରାଧନା ଫୁଡ୍ କମ୍ପାନୀ ମଧ୍ୟରେ ବିବାଦ ଲାଗି ରହିଛି। ଉତ୍ପାଦନ ଶୁଳ୍କ ବିଭାଗର ଅଭିଯୋଗ ଅନୁସାରେ, ସେଣ୍ଟ୍ରାଲ ଏକ୍ସାଇଜ୍ ଆଣ୍ଡ ସର୍ଭିସ୍ ଟ୍ୟାକ୍ସ ହାଇଦ୍ରାବାଦ ବା CETH 2022ର ଅଧିନିୟମ ୯୦/୨୦ ଅନୁସାରେ ନିମ୍ବୁଜ୍କୁ ଫଳରସ କୁହାଯିବା ଦରକାର। ହେଲେ ଆରାଧନା ଫୁଡ୍ସ କମ୍ପାନୀ କହୁଛି ଏହା କେବଳ ଲେମ୍ବୁପାଣି। ତେଣୁ ଏହାକୁ CETH 2022ର ଅଧିନିୟମ ୧୦/୨୦ ଅନୁସାରେ ସେଣ୍ଟ୍ରାଲ ଏକ୍ସାଇଜ୍ ଟାରିଫ ଆକ୍ଟ ୧୯୮୫ର ପ୍ରଥମ ଶ୍ରେଣୀରେ ଅନ୍ତର୍ଭୁକ୍ତ କରାଯାଉ।
ଏହି ଯାଚିକା ଉପରେ ସୁପ୍ରିମ୍ କୋର୍ଟର ବିଚାରପତି ଜଷ୍ଟିସ୍ ଏମ.ଆର୍.ଶାହା ଓ ଜଷ୍ଟିସ୍ ବିବି ନାଗରତ୍ନଙ୍କ ଦୁଇଜଣିଆ ଖଣ୍ଡପୀଠ ଦ୍ଵାରା ଶୁଣାଣି କରାଯିବ। ମାମଲା ୨୦୧୫ରୁ ଚାଲୁଅଛି, ସୁପ୍ରିମ କୋର୍ଟର ନିଷ୍ପତ୍ତିର ଆଧାରରେ ‘ନିମ୍ଵୁଜ୍’ର ଶୁଳ୍କ ବର୍ଗୀକରଣ କରାଯିବ।
Powered by Froala Editor