ବାଂଲାଦେଶଙ୍କୁ ଭାରତ ଦେଲା 230 ରନର ଟାର୍ଗେଟ
ନୂଆଦିଲ୍ଲୀ: ଆଇସିସି ମହିଳା ବିଶ୍ୱକପରେ ଏବେ ଭାରତ ଓ ବାଂଲାଦେଶ ମଧ୍ୟରେ ମ୍ୟାଚ ଚାଲିଛି । ପ୍ରଥମେ ବ୍ୟାଟିଂ କରି ଭାରତ ବାଂଲାଦେଶ ସମ୍ମୁଖରେ ବଡ଼ ଟାର୍ଗେଟ ଦେବାରେ ସମର୍ଥ ହୋଇନାହିଁ । ଭାରତ ପ୍ରଥମେ ବ୍ୟାଟିଂ କରି ୭ ୱିକେଟ ବିନିମୟରେ 229 ରନ କରିଛି । ଫଳରେ ବାଂଲାଦେଶକୁ ଜିତିବା ପାଇଁ 230 ରନର ଲକ୍ଷ୍ୟ ଧାର୍ଯ୍ୟ କରିଛି । ପୂର୍ବ ଦୁଇଟି ମ୍ୟାଚ ଭାରତ ହାରିଥିବାରୁ ଏହି ମ୍ୟାଚ ଜିତିବା ଅପରିହାର୍ଯ୍ୟ ହୋଇପଡ଼ିଛି । ନଚେତ ଦଳ ବିଶ୍ୱକପରେ ନିଜର ଆଧିପତ୍ୟ ଜାହିର କରିବାରେ ବିଫଳ ହେବାର ଆଶଙ୍କା ରହିଛି ।
ଭାରତ ପକ୍ଷରୁ ଓପନର ସ୍ମୃତି ମନ୍ଧାନା ୫୧ ବଲରେ ୩୦ ରନ୍ କରିଥିବାବେଳେ ସେଫାଳୀ ବର୍ମା ୪୨ ବଲରେ ୪୨ରନ୍ କରିଥିଲେ । ସେହିପରି ୟାସ୍ତିକା ଭାଟିୟା ୮୦ବଲରେ ୫୦ରନ୍, ହରମନ୍ପ୍ରୀତ୍ କୌର ୩୩ବଲରେ ୧୪ରନ୍, ରିଚା ଘୋଷ ୩୬ ବଲରେ ୨୬ରନ୍ କରିଥିଲେ । ସେହିପରି ପୂଜା ବସ୍ତ୍ରକର୨୯ବଲରେ ୨୨ ରନ୍ ଓ ସ୍ନେହା ରାଣା ୨୩ ବଲରେ ୨୭ ରନ କରିଥିଲେ ।
ଅପରପକ୍ଷରେ ବାଂଲାଦେଶ ପକ୍ଷରୁ ଜାହାନାରା ଆଲାମ ଗୋଟିଏ ୱିକେଟ ନେଇଥିବାବେଳେ ନାହିଦା ଅଖତର ୨ଟି, ରୁମାନା ଅହମ୍ମଦ ୩ଟି ୱିକେଟ ନେବାରେ ସଫଳ ହୋଇଥିଲେ ।
Powered by Froala Editor
