ବେଜିଂ : ଚାଇନାର ଏକ ଯାତ୍ରୀବାହୀ ବିମାନ ବଡ଼ ଧରଣର ଦୁର୍ଘଟଣାର ସମ୍ମୁଖୀନ ହୋଇଛି  । ମଝି ଆକାଶରେ ବିମାନଟି ଧ୍ୱଂସ ହୋଇଯାଇଥିବା କୁହାଯାଉଛି  । ଏହି ବିମାନରେ ୧୩୩ ଯାତ୍ରୀ ଯାଉଥିଲେ  । ତେବେ ମୃତାହତ ସମ୍ପର୍କରେ କିଛି ସ୍ପଷ୍ଟ ହୋଇନାହିଁ  ।

ମିଳିଥିବା ସୂଚନାନୁଯାୟୀ, ଚାଇନା ଇଷ୍ଟର୍ଣ୍ଣ ପାସେଞ୍ଜର ଜେଟ ଦୁର୍ଘଟଣାଗ୍ରସ୍ତ ହୋଇଛି  । ଦକ୍ଷିଣ ପଶ୍ଚିମ ଚାଇନାରେ ବିମାନଟି ଏକ ପାହାଡ଼ରେ ମାଡ଼ ହୋଇଯାଇଥିବା କୁହାଯାଉଛି  ।

ୱାଝୋଉ ସହରର ନିକଟରେ ବିମାନଟି ଦୁର୍ଘଟଣା ଗ୍ରସ୍ତ ହୋଇଥିଲା  । ବୋଇଂ ୭୩୭ ବିମାନ ଦୁର୍ଘଟଣାରେ ବହୁ ଲୋକ ମୃତାହତ ହୋଇଥିବେ ବୋଲି ଅନୁମାନ କରାଯାଉଛି  ।

ଚାଇନା ଇଷ୍ଟର୍ଣ୍ଣ ବୋଇଂ ୭୩୭ ବିମାନଟି ଦୁର୍ଘଟଣାଗ୍ରସ୍ତ ହୋଇଛି  । ଗୁଆଙ୍ଗକି ପ୍ରଦେଶର ତେଙ୍ଗାକ୍ସିଆନର ଏକ ପାର୍ବ୍ୟାତାମାଳରେ ବିମାନଟି ଦୁର୍ଘଟଣାଗ୍ରସ୍ତ ହୋଇଛି  । ଯାହାଫଳରେ ଜଙ୍ଗଲରେ ବି ନିଅାଁ ଲାଗି ଯାଇଥିବା ଦେଖିବାକୁ ମିଳିଛି  । 

ଚାଇନା ବେସାମରିକ ବିମାନ ମନ୍ତ୍ରଣାଳୟର ସୂଚନା ଅନୁଯାୟୀ, ଭାରତୀୟ ସମୟ ଦିନ ୧ଟା ୧୧ରେ ବିମାନଟି ୧୩୨ ଜଣ ଯାତ୍ରୀଙ୍କୁ ନେଇ କୁନମିଙ୍ଗରୁ ଉଡ଼ାଣ ଭରିଥିଲା  । ତେବେ ଦିନ ୨ଟା ୨୨ରେ ବିମାନ ସହ ଯୋଗାଯୋଗ ଛିନ୍ନ ହୋଇଯାଇଥିଲା  । ସେତେବେଳେ ବିମାନଟି ୩୨୨୫ ଫୁଟ ଉଚ୍ଚରେ ରହିଥିଲା  । ଦିନ ୩ଟା ୫ରେ ଏହା ଗୁଆଙ୍ଗଝୋଉରେ ପହଁଚିବାର ଥିଲା  ।

ଏହି ବିମାନଟି ୭୩୭-୮୯ପି ମଡେ଼ଲର  । ୨୦୧୦ ମସିହା ପରେ ପ୍ରଥମ ଥର ପାଇଁ ଏଭଳି ଏକ ବିମାନ ଦୁର୍ଘଟଣା ଘଟିଛି  । 

Powered by Froala Editor