ଭୟଙ୍କର ସ୍ଥିତି: କିଭ୍ରେ ଏପର୍ୟ୍ୟନ୍ତ ୨୨୮ ଲୋକଙ୍କ ମୃତ୍ୟୁ
କିଭ୍: ରୁଷିଆ ଓ ୟୁକ୍ରେନ୍ ମଧ୍ୟରେ ଜାରି ଥିବା ଯୁଦ୍ଧ ବନ୍ଦ ହେବା ପାଇଁ ସ୍ଥାୟୀ ରୂପେ କୌଣସି ସମାଧାନର ରାସ୍ତା ବାହାରି ପାରି ନାହିଁ । ବରଂ ୟୁକ୍ରେନ୍ ଉପରେ ଆକ୍ରମଣ କରିବା ପାଇଁ ରୁଷିଆ ନୂଆ ରଣନୀତି କରୁଛି । ୟୁକ୍ରେନ୍ର ରାଜଧାନୀ କିଭ୍ରେ ଏପର୍ୟ୍ୟନ୍ତ ୨୨୮ ଜଣ ଲୋକଙ୍କର ମୃତ୍ୟୁ ହୋଇସାରିଛି । ତେବେ ଯୁଦ୍ଧ ପୀଡିତ ଶିଶୁମାନଙ୍କୁ ପୋପ୍ ଫ୍ରାନ୍ସିସ ଭେଟିଛନ୍ତି ।
ପୋପ୍ ଫ୍ରାନ୍ସିସ ଭାଟିକାନ୍ ହସ୍ପିଟାଲରେ ୟୁକ୍ରେନ୍ର ଶିଶୁମାନଙ୍କୁ ଭେଟିଛନ୍ତି । ସୂଚନାଯୋଗ୍ୟ ଯୁଦ୍ଧ ଆରମ୍ଭ ହେବା ପରେ ୟୁକ୍ରେନ୍ରୁ ଆସିଥିବା ୧୯ ଜଣ ଶିଶୁଙ୍କୁ ଏହି ହସ୍ପିଟାଲରେ ଭର୍ତ୍ତି କରାଯାଇଥିଲା । ୟୁକ୍ରେନ୍ ଦାବି କରିଛି ଯେ, ରୁଷିଆର ଆକ୍ରମଣରେ କିଭ୍ରେ ୨୨୮ ଜଣ ଲୋକଙ୍କର ମୃତ୍ୟୁ ହୋଇଛି । ମେୟର କାର୍ୟ୍ୟାଳୟ ପକ୍ଷରୁ ଜାରି ହୋଇଥିବା ବୟାନରେ କୁହାଯାଇଛି ଯେ କିଭ୍ରେ ରୁଷିଆ ଆକ୍ରମଣ ଯୋଗୁଁ ୪ ଜଣ ଶିଶୁଙ୍କର ମୃତ୍ୟୁ ହୋଇଛି ।
ଗତ ଫେବ୍ରୁଆରୀ ମାସ ୨୪ ତାରିଖ ଠାରୁ ଯୁଦ୍ଧ ଚାଲିଛି । ଯୁଦ୍ଧ ଦିନକୁ ଦିନ ଆହୁରି ଭୟଙ୍କର ସ୍ଥିତି ଆଡ଼କୁ ମୁହାଁଉଛି ।
Powered by Froala Editor
