୪ ସ୍ୱିଗୀ ବୟଙ୍କ ଉପରେ ମାଡ଼ିଗଲା ଦ୍ରୁତଗାମୀ କାର୍
ଦିଲ୍ଲୀ ନିକଟ ଗୁରୁଗ୍ରାମ ଗଲ୍ଫ କୋର୍ସ ରୋଡ୍ରେ ମର୍ମନ୍ତୁଦ ଦୁର୍ଘଟଣା ଘଟିଛି । ଦୁର୍ଘଟଣାରେ ୪ ଡେଲିଭରି ବୟଙ୍କ ମୃତ୍ୟୁ ଘଟିଛି । ସମସ୍ତେ ସ୍ୱିଗୀ କମ୍ପାନୀର ବୟ ବୋଲି ସୂଚନା ମିଳିଛି । ଦୁର୍ଘଟଣା ସମ୍ପର୍କରେ ସୂଚନା ପାଇ ପୋଲିସ ଘଟଣାସ୍ଥଳରେ ପହଞ୍ଚି କାର ଡ୍ରାଇଭରକୁ ଗିରଫ କରିବା ସହ ଗାଡିକୁ ଜବତ କରିଛି । ବର୍ତ୍ତମାନ ପୋଲିସ ଏହି ଘଟଣାର ତଦନ୍ତ କରୁଛି ।
ସୂଚନା ଥାଉକି, ଡେଲିଭରି ବୟମାନେ ଦୁଇଟି ବାଇକରେ ଯାଉଥିବା ବେଳେ ହଠାତ୍ ଆନ୍ୟପଟରୁ ଆସୁଥିବା ସ୍କୋଡା ଗାଡି ସହ ଦୁର୍ଘଟଣା ହୋଇଥିଲେ । ଗାଡିର ବେଗ ଏତେ କ୍ଷୀପ୍ର ଥିଲା ଯେ, ୪ ଡେଲିଭରୀ ବୟଙ୍କ ଉପରେ ଏହା ମାଡିଯାଇଥିଲା । ସଂଗେ ସଂଗେ ସେମାନଙ୍କୁ ହସ୍ପିଟାଲରେ ଭର୍ତ୍ତି କରାଯଇଥିଲା । ହେଲେ ଚିକିତ୍ସାଧୀନ ଅବସ୍ଥାରେ ଚାରିଜଣ ଯୁବକଙ୍କର ମୃତ୍ୟୁ ହୋଇଥିଲା ।
Powered by Froala Editor
