ଲିଟର ପିଛା ୨ ଟଙ୍କା ବଢିଲା ଅମୁଲ କ୍ଷୀର
ଅମୁଲ କ୍ଷୀର ଲିଟର ପିଛା ୨ ଟଙ୍କା ବୃଦ୍ଧି କରିବାକୁ ନିଷ୍ପତ୍ତି ନେଇଛି କମ୍ପାନୀ । ଏହି ନୂଆ ଦର ସମଗ୍ର ଦେଶରେ ୨୦୨୨ ମାର୍ଚ୍ଚ ୧ରୁ ଲାଗୁ ହେବ। ଅହମ୍ମଦାବାଦ ଏବଂ ସୌରାଷ୍ଟ୍ରରେ ଅମୂଲ ଗୋଲଡ୍ ୫୦୦ ଗ୍ରାମ କ୍ଷୀର ପ୍ୟାକେଟ୍ର ଦର ୩୦ ଟଙ୍କାକୁ ବୃଦ୍ଧି ପାଇଛି। ସେହପିରି ଅମୂଲ ତାଜା ଅଧା ଲିଟର ପ୍ୟାକେଟ୍ ଦର ୨୪ ଟଙ୍କା ଧାର୍ଯ୍ୟ ହୋଇଛି। ଅମୂଲ ଶକ୍ତି ୫୦୦ ଏମ୍ଏଲ ପ୍ୟାକେଟ୍ ପ୍ରତି ଦର୨୭ ଟଙ୍କା ଛୁଇଁଛି। ତେବେ ଲିଟର ପ୍ରତି ୨ ଟଙ୍କା ବୃଦ୍ଧି ପରେ ଏମଆରପି ମୂଲ୍ୟରେ ୪ ପ୍ରତିଶତ ବୃଦ୍ଧି ପାଇଛି।
ସୋମବାର ଅମୁଲ ବ୍ରାଣ୍ଡର ପରିଚାଳନା କରୁଥିବା ଗୁଜରାଟ ସହକାରୀ ଦୁଗ୍ଧ ବିତରଣ ସଂଘ ବୟାନ ଜାରି ଏହି ଘୋଷଣା କରିଛି । କମ୍ପାନୀ କହିଛି ବିଜୁଳି, ପ୍ୟାକେଜିଂ, ପରିବହନ ଏବଂ ପଶୁ ଚାରାରେ ମୂଲ୍ୟ ବୃଦ୍ଧି ଯୋଗୁଁ ଏହି ନିଷ୍ପତ୍ତି ନିଆଯାଇଛି। କମ୍ପାନୀ ତରଫରୁ ଜାରି ଏକ ବୟାନରେ କୁହାଯାଇଛି, ପ୍ରତି ଲଟିର ୨ ଟଙ୍କାର ବୃଦ୍ଧି କେବଳ ୪ ପ୍ରତିଶତ ବୃଦ୍ଧି, ଯାହା ହାରାହାରି ଖାଦ୍ୟ ଦରବୃଦ୍ଧି ଠାରୁ ବହୁତ କମ।
Powered by Froala Editor
