ସ୍ୱୟଂବରରେ ସାଥୀ ଖୋଜିବେ ମିକା ସିଂ
ରାକ୍ଷୀ ସାୱନ୍ତ, ରତନ ରାଜପୁତ, ରାହୁଲ ମହାଜନ ଏବଂ ମଲ୍ଲିକା ଶେରାୱତ୍ ଙ୍କ ପରେ ଏବେ ଗାୟକ ମିକା ସିଂ ନିଜର ସ୍ୱୟଂବର କରିବେ । ମିକା ସିଂ ରିଆଲିଟି ଶୋ ମାଧ୍ୟମରେ ତାଙ୍କ ପାଇଁ ସାଥୀ ଖୋଜିବା ପାଇଁ ପ୍ରସ୍ତୁତ ହେଉଛନ୍ତି । ଯୁବକମାନଙ୍କ ମଧ୍ୟରେ ମିକା ବହୁତ ଲୋକପ୍ରିୟ ଏବଂ ଏଭଳି ପରିସ୍ଥିତିରେ ତାଙ୍କ ସ୍ୱୟଂବର ମଧ୍ୟ ଖୁବ୍ ଆକର୍ଷଣୀୟ ହେବାକୁ ଯାଉଛି।
ରିପୋର୍ଟ ଅନୁସାରେ, ୪୪ ବର୍ଷିୟା ମିକା ସିଂହ ଶୋ’ରେ ବିବାହ କରିବେ ନାହିଁ। ସେ କେବଳ ନିର୍ବନ୍ଧ କରିବେ ଓ ଏହାପରେ ସେମାନେ ସେମାନଙ୍କର ସମ୍ପର୍କକୁ ଆଗକୁ ବଢାଇବେ। ଶୋ’ରେ ଭାଗ ନେବାକୁ ନେଇ ମିକା ଖୁବ୍ ଉତ୍ସାହିତ ଥିବା ଜଣାପଡ଼ିଛି। ଦେଶର ବିଭିନ୍ନ ସ୍ଥାନରୁ ଆସିଥିବା ପ୍ରତିଯୋଗୀମାନେ ଏହି ଶୋ’ରେ ଅଂଶଗ୍ରହଣ କରିବେ।
ସବୁଠାରୁ ବଡ କଥା ହେଲା ରାକ୍ଷୀ ସାୱନ୍ତଙ୍କୁ ମିକାଙ୍କ ଶୋ’ରେ ପ୍ରତିଯୋଗୀ ଭାବରେ ମଧ୍ୟ ଦେଖିବାକୁ ମିଳିବ । ମିକା ରାକ୍ଷୀଙ୍କୁ ଜବରଦସ୍ତ କିସ୍ ଦେଇଥିଲେ, ଏହାକୁ ନେଇ ବହୁ ବିବାଦ ଲାଗିଥିଲା ।
Powered by Froala Editor
