କିଭ୍ରୁ ହଟିଲା କର୍ଫ୍ୟୁ, ଟ୍ରେନ୍ ଚଳାଚଳ ଆରମ୍ଭ
ୟୁକ୍ରେନୀୟଙ୍କୁ ମିଳିଛି ଆଶ୍ୱସ୍ତି । ରାଜଧାନୀ କିଭ୍ରୁ ହଟିଛି ସପ୍ତାହାନ୍ତ କର୍ଫ୍ୟୁ। ଏହା ସହିତ ମେଟ୍ରୋ ଟ୍ରେନ ଚଳାଚଳ ଆରମ୍ଭ କରିଦେଇଛି । ଟ୍ରେନ୍ ଜରିଆରେ ଲୋକଙ୍କୁ ସୁରକ୍ଷିତ ସ୍ଥାନକୁ ଯିବା ପାଇଁ ପରାମର୍ଶ ଦିଆଯାଇଛି। ସମସ୍ତ ଛାତ୍ରଛାତ୍ରୀଙ୍କୁ ପଶ୍ଚିମ ଭାଗ ରେଲୱେ ଷ୍ଟେସନକୁ ଯିବା ପାଇଁ ପରାମର୍ଶ ଦିଆଯାଇଛି। ଭାରତୀୟ ଛାତ୍ରଛାତ୍ରୀମାନେ ଶାନ୍ତ ରହିବା ସହ ଏକତ୍ରିତ ରହିବାକୁ ଦୂତାବାସ ପକ୍ଷରୁ କୁହାଯାଇଛି । ଯାତ୍ରା କରିବାବେଳେ ନିଜର ପାସପୋର୍ଟ, ନଗଦ ମୁଦ୍ରା, ଖାଦ୍ୟ ରଖିବାକୁ କୁହାଯାଇଛି ।
ଭାରତୀୟ ଦୂତାବାସ ପକ୍ଷରୁ ସେଠାରେ ଫସି ରହିଥିବା ଭାରତୀୟ ଛାତ୍ରଛାତ୍ରୀମାନଙ୍କ ପାଇଁ ସାନି ପରାମର୍ଶ ଜାରି କରାଯାଇଛି । ଏଥିରେ କୁହାଯାଇଛି ଯେ, କିଭ୍ ରେ ରାତ୍ରକାଳୀନ କର୍ଫ୍ୟୁ ହଟିଯାଇଛି । ଏଣୁ ଛାତ୍ରଛାତ୍ରୀମାନେ ନିକଟତମ ରେଳଷ୍ଟେସନକୁ ଯାଇ ପଶ୍ଚିମ ୟୁକ୍ରେନକୁ ଯାଉଥିବା ଟ୍ରେନ ଧରନ୍ତୁ । ବିଦେଶୀମାନଙ୍କ ସ୍ଥାନାନ୍ତରଣ ପାଇଁ ୟୁକ୍ରେନ ସରକାର କେତେକ ସ୍ବତନ୍ତ୍ର ଟ୍ରେନ ଚଳାଚଳ କରୁଛନ୍ତି ।
ସୂଚନା ଯେ, ଯୁଦ୍ଧଗ୍ରସ୍ତ ୟୁକ୍ରେନର ରାଜଧାନୀ କିଭ୍ ଉପରେ ଗତ ରାତିଠାରୁ ଆଉ ଆକ୍ରମଣ ହୋଇନାହିଁ । ରୁଷିଆ ସେନା କିଭ୍ କୁ ଘେରି ରହିଥିଲେ ମଧ୍ୟ ଆକ୍ରମଣ କରୁନାହାନ୍ତି । ଦୁଇ ପକ୍ଷ ମଧ୍ୟରେ ଆଲୋଚନା ଆରମ୍ଭ ହୋଇଯାଇଥିବାରୁ ଅସ୍ଥାୟୀ ଭାବେ ଶାନ୍ତି ବିରାଜମାନ କରୁଛି । ଏହାକୁ ଦୃଷ୍ଟିରେ ରଖି କିଭ୍ ରେ ଲାଗିଥିବା ରାତ୍ରିକାଳୀନ କର୍ଫ୍ୟୁକୁ ହଟାଇ ଦିଆଯାଇଛି ।
Powered by Froala Editor
