ୟୁକ୍ରେନ ସାଂସଦଙ୍କ କ୍ଷୋଭ, କହିଲେ ରୁଷ୍ ଅତ୍ୟାଚାର ବିରୋଧରେ ଆମେ ବି ଅସ୍ତ୍ର ଉଠାଇବୁ
ଋଷ ଏବଂ ୟୁକ୍ରେନ ମଧ୍ୟରେ ଯୁଦ୍ଧ ବନ୍ଦ ହୋଇନି । ଋଷର ସୈନ୍ୟମାନେ ଧୀରେ ଧୀରେ ଆଗକୁ ବଢୁଛନ୍ତି । ଏହି ସମୟରେ ୟୁକ୍ରେନର ସାଂସଦ କିରା ରୁଡିକଙ୍କ ଗୋଟିଏ ଫଟୋ ସୋସିଆଲ ମିଡିଆରେ ଭାଇରାଲ ହେଉଛି । ସେ ଟୁଇଟ୍ କରି ଲେଖିଛନ୍ତି ଯେ ୟୁକ୍ରେନର ପ୍ରତ୍ୟେକ ପୁରୁଷ ଏବଂ ମହିଳା ଋଷର ଅତ୍ୟାଚାରୀଙ୍କ ସାମ୍ନାରେ ଅସ୍ତ୍ର ଉଠାଇବାକୁ ପ୍ରସ୍ତୁତ ଅଛନ୍ତି। ତାଙ୍କର ଫଟୋ ବର୍ତ୍ତମାନ ସାରା ବିଶ୍ୱରେ ଭାଇରାଲ ହେବାରେ ଲାଗିଛି । ଫେବୃଆରୀ ୨୫ରେ ପୋଷ୍ଟ ହୋଇଥିବା ଫଟୋରେ ରୁଡିକ ଏକ କାଲାଶନିକୋଭ ରାଇଫଲ ଧରିଥିବାର ଦେଖିବାକୁ ମିଳିଛି ।
ସେ ଆହୁରି ମଧ୍ୟ କହିଛନ୍ତି ଯେ ଆମେ ଯୁଦ୍ଧ ଆରମ୍ଭ କରିନାହୁଁ, ଆମେ ଏକ ଶାନ୍ତିପୂର୍ଣ୍ଣ ଦେଶ। ସେମାନେ(ଋଷ ସୈନିକ) ଆମ ଦେଶ ଉପରେ ଆକ୍ରମଣ କରୁଥିବାରୁ ମୋ ପରି ଯେଉଁମାନେ କେବେ ବି ବନ୍ଧୁକ ଧରିନଥାନ୍ତେ ସେମାନେ ବାଧ୍ୟ ହୋଇ ଅସ୍ତ୍ରଶସ୍ତ୍ର ଉଠାଉଛନ୍ତି ।
ଶୁଣିବାକୁ ମିଳିଛି ଯେ, ଆମେରିକା ଏବଂ ପଶ୍ଚିମ ଦେଶ ସିଧାସଳଖ ଯୁଦ୍ଧ କ୍ଷତ୍ରକୁ ଓହ୍ଲାଉନାହାଁନ୍ତି କିନ୍ତୁ ପରୋକ୍ଷ ଭାବେ ୟୁକ୍ରେନକୁ ଅସ୍ତ୍ରଶସ୍ତ୍ର ଦେଇ ସହଯୋଗ କରୁଛନ୍ତି । ଏହାରି ଭିତରେ ୟୁକ୍ରେନର ଯୁବପିଢୀ ଋଷ ସୈନିକ ବିରୋଧରେ ଲଢେଇ କରିବାରେ ଆଗୁଆ ଅଛନ୍ତି ।
Powered by Froala Editor
