ଯାଜପୁର: ରାଜ୍ୟରେ ଥମୁନି ନିର୍ବାଚନୀ ହିଂସା । ପ୍ରଥମ ପ୍ରର୍ୟ୍ୟାୟ ନିର୍ବାଚନରେ ହୋଇଥିବା ହିଂସାର ପୁନଃରାବୃତ୍ତି ହୋଇଛି । ପାର୍ଟିକୁ ଜିତେଇବାକୁ ଫୁଲ ପାୱାରରେ କର୍ମୀ ।  ଯାଜପୁରରେ  ଦ୍ୱିତୀୟ ପର୍ଯ୍ୟାୟ ଭୋଟ ବେଳେ ହିଂସାକାଣ୍ଡ ଦେଖିବାକୁ ମିଳିଛି ।  ଦୁର୍ବୃତ୍ତମାନେ ପୋଲିଂ ଅଧିକାରୀଙ୍କ ଠାରୁ ବାଲାଟ ପେପର ଛଡ଼ାଇ ନେଇଥିବା ଜଣାଯାଇଛି ।  ମତଦାନ ଚାଲିଥିବାବେଳେ ୧୦ରୁ ୧୫ ଜଣ ପଶି  ପୋଲିଂ ଅଧିକାରୀଙ୍କ ଠାରୁ ବାଲାଟ ପେପର ଛଡ଼ାଇ ନେଇଥିବା ଜଣାଯାଇଛି ।   ଯାଜପୁର ଜିଲ୍ଲା ଦଶରଥପୁର ବ୍ଲକ କନିକାପଡ଼ାର ୨ ଓ ୩ ନଂ ବୁଥରେ ଏଭଳି କାଣ୍ଡ ଭିଆଇଛନ୍ତି ଦୁର୍ବୃତ୍ତ ।  ଦୁର୍ବୃତ୍ତମାନେ ବାଲାଟ ପେପର ଛଡ଼ାଇ ନେଇଥିବାରୁ ମତଦାନ ବନ୍ଦ ରହିଥିବା ଜଣାଯାଇଛି ।

 ଅନ୍ୟପକ୍ଷରେ କିପରି  ଶାନ୍ତି ଶୃଙ୍ଖଳାର ସହ ନିର୍ବାଚନ ହେବ, ସେଥିପାଇଁ ସରକାରଙ୍କ ପକ୍ଷରୁ ବିଭିନ୍ନ ପ୍ରକାର କଡା ସୁରକ୍ଷା ବ୍ୟବସ୍ଥା କରାଯାଇଥିଲେ ମଧ୍ୟ ବିଭିନ୍ନ ସ୍ଥାନରେ ନିର୍ବାଚନୀ ହିଂସା ଦେଖିବାକୁ ମିଳିଛି । ପ୍ରଥମ ପର୍ୟ୍ୟାୟ ମତଦାନରେ ବିଭିନ୍ନ ବୁଥରେ ହିଂସାକାଣ୍ଡ ଦେଖିବାକୁ ମିଳିଥିଲା । ଆଜି ବ୍ୟାପକ ସୁରକ୍ଷା ବ୍ୟବସ୍ଥା ସତ୍ତ୍ୱେ ଦୁର୍ବୃତ୍ତମାନେ ହିଂସାକାଣ୍ଡ ଘଟାଇଛନ୍ତି । ଏକ ବୁଥରେ ପଶି ଦୁର୍ବୃତ୍ତମାନେ ୩୨ଟି ବାଲାଟ ପେପର ଚିରିଦେଇଛନ୍ତି । ଏଭଳ ଘଟଣା ଦେଖିବାକୁ ମିଳିଛି ବ୍ରହ୍ମପୁର ଜିଲ୍ଲା ଚିକିଟି ବ୍ଲକ କୁତୁାରୁ ପଞ୍ଚାୟତ ରାମେୟାପାଟଣା ବୁଥରେ । ରାମେୟାପାଟଣାର ୧୨ନମ୍ବର ବୁଥରେ ପଶି ବାଲାଟ ପେପର ଚିରି ଦେଇଥିବା ସୂଚନା ମିଳିଛି ।

ସେହିଭଳି ଜଗତସିଂହପୁର ଜିଲ୍ଲାରେ ମଧ୍ୟ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ମତଦାନ ଚାଲିଥିବାବେଳେ  ଦୁର୍ବୃତ୍ତମାନେ ହିଂସାକାଣ୍ଡ ଘଟାଇଛନ୍ତି ।  ସଦର ବ୍ଲକ ପଟସରା କେନ୍ଦ୍ରର ୧ ଓ ୨ ନମ୍ବର ବୁଥରେ ହିଂସାକାଣ୍ଡ ଘଟିଛି ।  ଗୋଟିଏ ବୁଥରୁ ଭୋଟ ବାକ୍ସ ନେଇ ପଳାଇଲେ ଦୁର୍ବୃତ୍ତ । ଆଉ ଗୋଟିଏ ବୁଥ ଭିତରେ ଦୁର୍ବୃତ୍ତମାନେ ଭୋଟ ବାକ୍ସ ଭାଙ୍ଗିଦେଇଥିବା ଜଣାଯାଇଛି ।  ପଟସରା କେନ୍ଦ୍ରରେ ବି ଉତ୍ତେଜନା ଯୋଗୁଁ ମତଦାନ ବନ୍ଦ ରହିଥିବା ଜଣାଯାଇଛି । 

ତେବେ ଦିନ ୧ଟା ସୁଦ୍ଧା ୬୫ ପ୍ରତିଶତ ମତଦାଦ ହୋଇଥିବା ସୂଚନା ମିଳିଛି ।   ତେବେ ଦିନ ୧୨ଟା ସୁଦ୍ଧା ୪୩ ପ୍ରତିଶତ ମତଦାନ ହୋଇଥିଲା । ସେହିପରି ସକାଳ ୯ଟା ସୁଦ୍ଧା ୨୦ ପ୍ରତିଶତ ଭୋଟଦାନ ହୋଇଥିଲା ।  ଏନେଇ ରାଜ୍ୟ ନିର୍ବାଚନ କମିଶନଙ୍କ ସଚିବ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଥିଲେ ।
ଅନ୍ୟପକ୍ଷରେ କୋଟିଆରେ ଦିନ ୧୨ଟା ସୁଦ୍ଧା ୪୦ ପ୍ରତିଶତରୁ ଅଧିକ ମତଦାନ ହୋଇଥିବା ଜଣାଯାଇଛି ।

Powered by Froala Editor