ଜାତୀୟ ଗ୍ରୀନ ଟ୍ରିବ୍ୟୁନାଲ ବେଦାନ୍ତ ଗ୍ରୁପ୍‌ କମ୍ପାନୀ ହିନ୍ଦୁସ୍ଥାନ ଜିଙ୍କ ଲିଃ ଉପରେ ୨୫ କୋଟି ଟଙ୍କାର ଜୋରିମାନା ଲାଗୁ କରିଛନ୍ତି। ଏନଜିଟି କହିଛନ୍ତି, ପରିବେଶ ସୁରକ୍ଷା ସମ୍ପର୍କିତ ନିୟମ ଭାଙ୍ଗିଥିବାରୁ ଏହି ନିଷ୍ପତ୍ତି ନିଆଯାଇଛି । ନିୟମ ଉଲ୍ଲଙ୍ଘନ ଯୋଗୁ ବହେରୁଖେରା, ଅଗୁଚା, ପାରାସରମପୁରା, କଲ୍ୟାଣପୁର, କୋଟିୟା, ବାଲାପୁରା ଭଳି ୬ରୁ ଅଧିକ ପଞ୍ଚାୟତ ଓ ହୁରଦା ବ୍ଲକର ଅନ୍ୟମାନେ ପ୍ରଭାବିତ ହୋଇଛନ୍ତି। ଏଥିପାଇଁ କମ୍ପାନୀ ଉପରେ କ୍ଷତିପୂରଣ ଦେବାକୁ କୁହାଯାଇଛି। କମ୍ପାନୀ ନିର୍ଦ୍ଦେଶ ଅନୁଯାୟୀ କ୍ଷତିପୂରଣ ଦେବେ ଓ କମିଟିର ପ୍ରସ୍ତାବ ଅନୁସାରେ କାର୍ଯ୍ୟ କରିବେ ବୋଲି ଏନଜିଟି କହିଛନ୍ତି।

ଏନଜିଟି ଅଧ୍ୟକ୍ଷ ଜଷ୍ଟିସ ଏକେ ଗୋଏଲ କହିଛନ୍ତି, ସବୁ କଥାକୁ ବିଚାର କରି କମ୍ପାନୀକୁ ୨୫ କୋଟି ଟଙ୍କା ଜୋରିମାନା ଦାଖଲ କରିବାକୁ କୁହାଯାଇଛି। ୩ ମାସ ମଧ୍ୟରେ ଭିଲୱାରା ଜିଲ୍ଲା ମାଜିଷ୍ଟ୍ରେଟଙ୍କ ନିକଟରେ କମ୍ପାନୀ ଏହି ଜୋରିମାନା ଦାଖଲ କରିବ।

ସୂଚନା ଯେ, ହିନ୍ଦୁସ୍ତାନ ଜିଙ୍କ ଲିଃ ରାଜସ୍ଥାନର ଭିଲୱାରା ଜିଲ୍ଲାରେ ତା’ର ପ୍ରତିଷ୍ଠାନ ଖୋଲିଛି। ଏଠାରେ କମ୍ପାନୀ ପ୍ରାୟ ୧୨୦୦ ହେକ୍ଟର ଅଞ୍ଚଳରେ ଜିଙ୍କ ଓ ଏହା ସହ ଜଡ଼ିତ ସାମଗ୍ରୀ ଖନନ କରୁଥିଲେ ମଧ୍ୟ ମଧ୍ୟ ପରିବେଶ ସୁରକ୍ଷା ପାଇଁ ଜାରି ନିୟମକୁ ଉଲ୍ଲଙ୍ଘନ କରୁଛି। ଏଥିପାଇଁ ଏନଜିଟି ଏପରି ଦଣ୍ଡବିଧାନ କରିଛନ୍ତି।

Powered by Froala Editor