ରାସ୍ତାରେ ଯାଉଥିବା ବାଇକ୍ ଚାଳକଙ୍କ ଉପରକୁ ଝାମ୍ପ ମାରିଲା ବାଘ
ରାସ୍ତରେ ଯାଉଥିବାବେଳେ ଶ୍ରମିକଙ୍କୁ ଆକ୍ରମଣ କରିଛି ବାଘ । କିନ୍ତୁ ଲୋକଙ୍କ ପଥର ମାଡ ଯୋଗୁଁ ଶ୍ରମିକଙ୍କ ଜୀବନ ବଞ୍ଚିଯାଇଛି । ଏ ଘଟଣା ଘଟିଛି ମହାରାଷ୍ଟ୍ରର ଚନ୍ଦ୍ରପୁରରେ । ଘଟଣାର ଭିଡିଓ ସେହି ସମୟରେ ଜଣେ ଶ୍ରମିକ ତାଙ୍କ ଫୋନରେ କୈଦ କରି ନେଇଥିଲେ। ଏହି ଘଟଣା ପରେ ସେହି ରାସ୍ତା ଦେଇ ଯାଉଥିବା ଲୋକଙ୍କ ମଧ୍ୟରେ କୋକୁଆଭୟ ଖେଳି ଯାଇଛି।
ଗତ ରାତିରେ ବାଇକରେ ଶ୍ରମିକ ଜଣକ ଘରକୁ ଫେରୁଥିଲେ । ବାଇକ ଚଲାଉଥିବା ବେଳେ ହଠାତ ବାଘ ଆକ୍ରମଣ କରିବାରୁ ଚାଳକ ଭାରସାମ୍ୟ ରକ୍ଷା କରି ନପାରି ବାଇକ ସହ ରାସ୍ତାକୁ ଛିଟିକି ପଡ଼ିଥିଲେ। ସେହି ରାସ୍ତା ଦେଇ ଯାଉଥିବା ଆଉ କିଛି ଶ୍ରମିକ ଓ ଅନ୍ୟଲୋକମାନେ ବାଘକୁ ଦେଖି ତାର ଉପରକୁ ପଥର ମାଡ଼ କରିଥିଲେ। ଲୋକଙ୍କ ହୋ ହାଲ୍ଲା ଶୁଣି ସ୍ଥାନୀୟ ଲୋକମାନେ ଘଟଣାସ୍ଥଳରୁ ଦୌଡ଼ି ଆସିଥିଲେ। ସେତେବେଳକୁ ବାଘ ନିକଟସ୍ଥ ଜଙ୍ଗଲକୁ ଚମ୍ପଟ ମାରିଥିଲା। ସୌଭାଗ୍ୟବଶତଃ ବାଘ ଆକ୍ରମଣର ଶିକାର ହୋଇଥିବା ଶ୍ରମିକଙ୍କ ଜୀବନ ରକ୍ଷା ପାଇଯାଇଥିଲା।
Powered by Froala Editor
