ସାଇବର ଥାନା ପୋଲିସକୁ ସଫଳତା, ବ୍ୟାଙ୍କ ଆକାଉଣ୍ଟ ହ୍ୟାକ ମାମଲାରେ ସାଇବର ହାତରେ ୫ ଅଭିଯୁକ୍ତ
ବାଲେଶ୍ୱର: ଦିନକୁ ଦିନ ବଢ଼ିବାରେ ଲାଗିଛି ସାଇବର ଠକଙ୍କ ରାଜୁତି । ବହୁ ପ୍ରକାରର ତରିକା ଆପଣାଇ ଏମାନେ ଲୁଟିବାରେ ଲାଗିଛନ୍ତି ସାଧାରଣ ନିରିହ ଜନତାଙ୍କୁ । ଏହି ଭିତରେ ଏକ ବଡ଼ ସଫଳତା ହାତରେ ଲାଗିଛି ସାଇବର ସେଲ ର । ବାଲେଶ୍ୱର ସାଇବର ଥାନା ପୋଲିସକୁ ସଫଳତା । ବ୍ୟାଙ୍କ୍ ଆକାଉଣ୍ଟକୁ ହାକ୍ କରି ଲୁଟ ଘଟଣାର ପର୍ଦ୍ଦଫାସ କରିଛି ପୋଲିସ । ମାମଲାର ମୁଖ୍ୟ ଅଭିଯୁକ୍ତ ସମେତ ୫ଜଣଙ୍କୁ ଗିରଫ କରିଛି ସାଇବର ପୋଲିସ । ଗତ ଡିସେମ୍ବର ୨୯ରେ ବାଲେଶ୍ୱର ଇଣ୍ଡସଇଣ୍ଡ୍ ବ୍ୟାଙ୍କର ଜଣେ ଗ୍ରାହକଙ୍କ ଆକାଉଣ୍ଟ ହ୍ୟାକ୍ କରି ୧୨ଲକ୍ଷ ୪୫ ହଜାର ଟଙ୍କା ଲୁଟ୍ ହୋଇଥିଲା ।
ଏନେଇ ନୀଳଗିରି ଥାନାରେ ଅଭିଯୋଗ କରିଥିଲେ ବାଲିଗୋହିରୀ ଅଞ୍ଚଳର ଜ୍ୟୋତ୍ସ୍ନାରାଣୀ ପାତ୍ର । ଅଭିଯୋଗର ୧ ମାସ ପରେ ସାଇବର ଥାନା ପୋଲିସ ୫ ଜଣଙ୍କୁ ଗିରଫ କରିଛି । ଲୁଟେରାଙ୍କୁ ଧରିବାକୁ ବାଲେଶ୍ୱର ଏସପିଙ୍କ ନିର୍ଦ୍ଦେଶକ୍ରମେ ୬ ଜଣିଆ ଟିମ୍ ଗଠନ କରଯାଇଥିଲା । ଲୁଟେରାଙ୍କଠାରୁ ୧ ଲକ୍ଷ ୬୯ ହଜାର ଟଙ୍କା, ୧୦ ଟି ମୋବାଇଲ ଫୋନ, ୧୪ ଟି ବିଭିନ୍ନ ବ୍ୟାଙ୍କର ATM, ୩୯ଟି ସିମ୍ କାର୍ଡ ଜବତ କରିଛି ପୋଲିସ ।
Powered by Froala Editor
