ଭୁବନେଶ୍ୱର: ରାଜ୍ୟରେ ଦିନକୁ ଦିନ କାରୋନା ସଂକ୍ରମଣ ହ୍ରାସ ପାଇବାରେ ଲାଗିଛି । କରୋନାର ନୂଆ ଭାରିଆଣ୍ଟ ଓମିକ୍ରନର ଦ୍ରୁତ ସଂକ୍ରମଣ ହେତୁ ରାଜ୍ୟବାସୀଙ୍କ ମନରେ ଛନକା ପଶିଛି । ଗୋଟିଏ ପଟେ କରୋନାର ଦୈନିକ ସଂକ୍ରମଣ ହାର କମିବାରେ ଲାଗିଛି, ଅନ୍ୟପଟେ କରୋନା ମୃତକଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି। ଆଜି ରାଜ୍ୟରେ ୨ହଜାର ୧୦୬ଜଣ କରୋନା ସଂକ୍ରମିତ ଚିହ୍ନଟ ହୋଇଥିବାବେଳେ, ଆଉ ୨୩ଜଣ କରୋନାରେ ପ୍ରାଣ ହରାଇଥିବା ସୂଚନା ମିଳିଛି ।

 ଅଡିଟ୍ ପ୍ରୋସେସରେ ଆଉ ୨୩ଜଣଙ୍କ ମୃତୁ୍ୟ ନେଇ ସ୍ୱାସ୍ଥ୍ୟ ବିଭାଗର ସୂଚନା ଦିଆଯାଇଛି । ମୃତକଙ୍କ ମଧ୍ୟରେ ଭଦ୍ରକର ୮୮ବର୍ଷୀୟ ବୃଦ୍ଧ, ଭୁବନେଶ୍ୱରର ୫୬ବର୍ଷୀୟ ମହିଳା, ୫୨ ବଷୀୟ ବ୍ୟକ୍ତି, ୬୮ବର୍ଷୀୟ ବୃଦ୍ଧ, ୭୦ବର୍ଷୀୟ ବୃଦ୍ଧ, ୫୯ବର୍ଷୀୟ ବ୍ୟକ୍ତି, ବଲାଙ୍ଗୀରରୁ ୭୭ ବର୍ଷୀୟ ବୃଦ୍ଧ, ଗଞ୍ଜାମର ୪୩ ବର୍ଷୀୟ ମହିଳା, ଜଗତସିଂହପୁରର ୭୧ବର୍ଷୀୟ ବୃଦ୍ଧ, କଳାହାଣ୍ଡିରୁ ୭୧ବର୍ଷୀୟ ବୃଦ୍ଧ, କନ୍ଧମାଳର ୭୦ବର୍ଷୀୟ ବୃଦ୍ଧ, ଖୋର୍ଦ୍ଧାର ୬୮ବର୍ଷୀୟ ବୃଦ୍ଧ, ୬୪ବର୍ଷୀୟ ବୃଦ୍ଧ, କୋରାପୁଟର ୩୫ବର୍ଷୀୟ ବ୍ୟକ୍ତି, ବର୍ଷକର ଶିଶୁ, ନୟାଗଡର ୪୪ବର୍ଷୀୟ ବ୍ୟକ୍ତି, ୫୪ବର୍ଷୀୟ ମହିଳା, ପୁରୀର ୬୨ବର୍ଷୀୟ ବୃଦ୍ଧ, ୭୨ବର୍ଷୀୟ ବୃଦ୍ଧ, ୭୬ବର୍ଷୀୟ ବୃଦ୍ଧା ଅଛନ୍ତି ।  ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଳ୍ୟାଣ ବିଭାଗ ପକ୍ଷରୁ ସୂଚନା ମିଳିଛି । 

Powered by Froala Editor