ପ୍ରଚାର ବେଳେ ମୁହାଁମୁହିଁ ହେଲେ ଅଖିଳେଶ-ପ୍ରିୟଙ୍କା
ଉତ୍ତରପ୍ରଦେଶ: ଉତ୍ତରପ୍ରଦେଶର ବୁଲନ୍ଦଶହର ରୋଡ୍ ଶୋ ବେଳେ କଂଗ୍ରେସ ସାଧାରଣ ସମ୍ପାଦିକା ପ୍ରିୟଙ୍କା ଗାନ୍ଧୀ ଓ ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବ ମୁହାଁମୁହିଁ ହୋଇଥିଲେ । ପ୍ରିୟଙ୍କା ତାଙ୍କ ଖୋଲା ଗାଡିରେ ଯାଉଥିବାବେଳେ ଅଖିଳେଶ୍ ଯାଦବ ବସରେ ବୁଲନ୍ଦଶହରରେ ପ୍ରଚାର କରୁଥିବାବେଳେ ଦୁହେଁ ସାମ୍ନାସାମ୍ନି ହୋଇଥିଲେ ।
ଅଖିଳେଶ ରାଷ୍ଟ୍ରୀୟ ଲୋକ ଦଳ ମୁଖ୍ୟ ଜୟନ୍ତ ଚୌଧୁରୀଙ୍କ ସହ ପ୍ରଚାର କରୁଥିଲେ । ଦୁହେଁ ବସର ଛାତ ଉପରୁ ପ୍ରିୟଙ୍କାଙ୍କୁ ନମସ୍କାର କରୁଥିଲା ବେଳେ ପ୍ରିୟଙ୍କା ସେମାନଙ୍କୁ ନମସ୍କାର କରିଥିଲେ । ପ୍ରିୟଙ୍କା ଏହି ଘଟଣାର ଭିଡିଓ ସେୟାର କରି ‘ମୋ ଆଡୁ ବି ତୁମକୁ ରାମ ରାମ’ ଲେଖିଛନ୍ତି ।
ସୂଚନା ଅନୁସାରେ, ପ୍ରିୟଙ୍କା ନିକଟରେ ଏକ ଟିଭି ଚ୍ୟାନେଲକୁ ୨୦୧୭ ବିଧାନସଭା ନିର୍ବାଚନ ପୂର୍ବରୁ ସମାଜବାଦୀ ପାର୍ଟି ସହ ମେଣ୍ଟକୁ ବଡ ଭୁଲ ବୋଲି କହିଥିଲେ ।
Powered by Froala Editor
